Anam

[Bənd]
Əziz anam, şirin sözlü anam
Qəlbin, kövrək eşqin solmaz bahar
Gülər üzlü, qara gözlü anam
Hara getsəm, gözün mənə baxar

Əziz anam, şirin sözlü anam
Qəlbin, kövrək eşqin solmaz bahar
Gülər üzlü, qara gözlü anam
Hara getsəm, gözün mənə baxar

Ana, qəlbin layla olar, gəzər
Doğma səsin ömrü, günü bəzər
Lay-lay dedin ana, lay-lay dedin mənə
Həyat verdin mənə əziz ana

Laylan hələ yaşar, laylan ellər aşar
Günəş kimi yana-yana, ana

Ana, səsin aydın səhər olar
Ana, qəlbin keşik çəkər bizə
Yolum üstdə uzaq səfər olar
İşıq olar, nurdan düşər gözə

Mənim görən gözümsən sən, ana
Ömrüm-günüm, özümsən sən, ana
Lay-lay dedin ana, lay-lay dedin mənə
Həyat verdin mənə əziz ana

Laylan hələ yaşar, laylan ellər aşar
Günəş kimi yana-yana, ana