Ana Souty She3ar 3al Sound (Maghlol Meny W Mesfer) - انا صوتي شعار ع الساوند (مغلول مني ومصفر)

[المقدمة]
الحمد لله، بلا إستثنا
ولا حد قدر ينافسنا
بالحب الناس عرفتنا
بالجدعنة، مش بفلوسنا
ليلي، ليلي، يا ليلي، يا ليل
ليلي، ليلي، يا ليلي، يا ليل
ليلي، ليلي، يا ليلي، يا ليل
ليلي، ليلي، يا ليلي، يا ليل
كيمو الديب

[اللازمة]
أنا صوتي شعار ع الساوند
أنا دايمًا باخد الراوند
متربي في حارة شعبية
أخوكم مش من الكومباوند
الحمد لله، بلا فخر
محسوبكو يفوت في الصخر
ع الرايق وما فيش مني
أنا قيمة وقامة ووكر

[المقطع الأول]
أول يا أسطى بلا منازع
بس الأخصام دي في التاسع
الفرق ما بينا أكيد شاسع
صعب تحصلني يا زملاش
صاروخ، مسابقكو بمراحل
نيمت عتاولة وفطاحل
أنا ثابت فيها، مش راحل
أتخن ما فيكو قصادي ما يبانش

[اللازمة]
مغلول مني ومصفر
مجموعك قدامي صفر
صورتي أما بتيجي قدامك
تتعصب أوي وتفر
حقك تتغاظ وتشيط
ما أنا واخد منه الصيت
فطبيعي إني أحرق دمه
ما أنا عاقل وإنت عبيط

[المقطع الثاني]
فاقد وبحب سكينتي
ما بجيبش لورا لو سنتي
من إمتى في حد يشغلني؟
محسوبكو بارد، سريع الرد
مطروش ودماغي نووية
أنا عندي ذخيرة جوية
صايع، ضايع، بلا هوية
وما فيش خصم معايا يسد

[اللازمة]
أنا بلبس أوڤر سايز
بس إني أرجع مش جايز
جرب حظك وإنكشني
هديك طول ما تكون عايز
أنا عيني قافلة ومش شايفة
نيمت الأخصام خايفة
عارف إني أخطر منحرف
ومصاحب أصحاب منحرفة

[المقطع الثالث]
مين جاي عامل فلانتينو؟
وأديله كشاف على عينه
وفي نص جيهته أجي أهينه
لو نفسه يتصيت أصيته
معايا كزلك وصدادة
بحط عليكو كالعادة
سكنت عدوي في عيادة
خليت عيلته عليه يصوتوا

[اللازمة]
الحمد لله، بلا إستثنا
ولا حد قدر ينافسنا
بالحب الناس عرفتنا
بالجدعنة، مش بفلوسنا

[المقطع الرابع]
سفاح وبروح وبتعارك
مين قلبه يجيبه ويشارك؟
على وشه هدفعه جمارك
مين قالك إني بخاف من حد؟
ما بحلش حد يحاربني
وما فيش أعداء بتغلبني
وبحط على اللي يندبني
إسمع مني، أنا شارع سد

[الخاتمة]
حصريًا على موقع مهرجانات دوت كوم