Ana Meen - أنا مين

[المقطع الأول]
إديتِك عمري وسبتي إيه
خدتي عيني وسبتي مُري عشت فيه
أفكار كتير، طب سبنا ليه
وكل حبي وإللي بينا ليه تسيبيه
الوقت بعدك فضل مكانه
وأنا واقف زيي زيه ولسه بستناكي
قلبي إللي هان عليكي ياما
لما مشيتي وما إستحملش وراح معاكي
وآهو ده إللي صار وخلاص وداع
كل الحدوتة حد حب وحد باع
طوّل نزيفي وطال غيابك
ونسيتيني ولسه أنا مش قادر أنسى

[جسر]
مش قادر أنسى أول مرة
أو يمكن أقسى وأدور على مهرب
دي دمعة تايهة في المجرة
وأنا بتفرج، متكتف متدمر

[المقطع الثاني]
لا أنا مجنون ولا عاقل
بس إنتي مشيتي وإستغربتي إني سائل
عن أيامك وعن وعودك
وعن أيامي إللي أسود من عيونك
إوعي تسيبيني، مش عايز أصحى
مش عايز أرجع جوة، الأوضة دي مصحة
ليه الكلام بيخلص قوام؟
كان نفسي تحبيني ولو ساعة كمان

[جسر]
كان نفسي تحبيني زي ما كنت عايز
فضلت أديكي من مشاعري وقلت جايز
يمكن في عالم تاني ما كناش هنفارق
تكوني عايشة ومبسوطة ده إللي فارق

[المقطع الثالث]
أنا مين؟ أنا مين؟
أنا مين؟ أنا مين؟ أنا مين؟
مش قادر أكتب أي حاجة بقلمي
أنا مين؟ أنا مين؟ أنا مين؟

[الخاتمة]
كان نفسي نتكلم وتسمعيني
كان نفسي أتعلم أواسيكي
ضاعت سنين، خلاص ضاعت سنين
ضاعت وأنا مش عارف أستناكي
وأنا وأنا وأنا مين؟