Ana Elma7bos Fe Oda - انا المحبوس في اوضه

[المقدمة: إسلام كابونجا]
تشكري يا حبسة يا اللي خدتي مننا أغلى ناس
تشكري يا غلطة يا اللي بتخلي الحاكم يعملنا مداس
بس عادي، هي موتة ولا أكتر
ودي يا فيجو
فيجو الدخلاوي

[اللازمة: كلوشة]
أنا المحبوس في أوضة
الغدر فيها موضة
يشكروا مرشدينا
دول خلوا حياتي سودا
خلوا الظباط خدوني
وفي الأوضة رموني
وحلقولي ميري
ع السجن رحلوني

[المقطع الأول: إسلام كابونجا]
أنا مشيت سليم يا شرطة
ما فيش دكن، ما فيش عراك
ولو لقيت نفسي في ورطة
أنا بفض الإشتباك
ما أنا إتحبست، خدت إيه؟
غير قطمة ضهر ونومة تتعب
ما فيش سرير أنام عليه
غصبٍ عني سكنت مصلب
غصبٍ عني سكنت مصلب

[اللازمة: كلوشة وإسلام كابونجا]
فاجر وإبن فاجر
ومني ما فيش يا دولة
بتاجر في الخناجر
ومشغل العتاولة
مطروش ورايحة مني
ومجنن الحكومة
بنام بعين وعين
وفايق للخصومة
فايق للخصومة
فارس بمعنى فارس
في الدنيا عامل كوارث
الفارس أحمد البح
أسطورة، المولى حارس
الدود البح سلطة
زاوله هتعيش في ورطة
أبطال الهانوڤيل
عيلة البح الفراودة

[المقطع الثاني: إسلام كابونجا]
الشغلة لو معاكو هزعل
عشان مش إنتو اللي أعارككو
إنتم آخركو معايا شبشب
وأبقى كده غفرت عنكو
نسيتوا لما جيت جيهتكو
وكسرتلكو الدكاكين
وجبت أصغر عيل خبطكو
كنتوا في شارعكو متهانين
كنتوا في شارعكو متهانين

[اللازمة: كلوشة]
يا مرشدين شارعنا
يا اللي خاربين حياتنا
مش دايمة ليكو، فوقوا
إحنا هنجيب آخرنا
أي مرشد هدوسه
وأفتشه في فلوسه
ولو حبسني عادي
أنا هبقى كابوسه

[المقطع الثالث: إسلام كابونجا]
آخدت بالي من الموانسة
ومن ساعتها فيا غل
لو إنتو فكرتوها خالصة
لأ، تبقوا عبط، أنا مش هحل
قلتلكو تقلوا إيديكم
ده لو عرفتوا تخبطوني
أنا واقف ساحب عليكم
يلا إسحبوا وعوروني
يلا إسحبوا وعوروني

[اللازمة: كلوشة]
دي الضيقة واخدة أخويا
وبقاله ياما غايب
دمعة أمي وأبويا
ضربت في قلبي صايب
يا رب فك الضيقة
على أي راجل جدع
أصل الضيقة خنيقة
وإسأل كل اللي إتلدع

[المقطع الرابع: إسلام كابونجا]
العيب عليا، مش عليكو
عشان عملت ليكو قيمة
في ضهركو شكرت فيكو
عشان نيتي كات سليمة
بس إنتو كده مش تمام
عشان وصل كلامكو عني
شتمتوا يا ولاد الحرام
وأنا بقول عليكو مني
وأنا بقول عليكو مني

[اللازمة: كلوشة]
عارف يا باشا إني
مجرم، لازم هحاسب
بس إنت ليه ظالمني؟
هو إنت شايفني خايب؟
إسأل عني في جيهتي
وفي أي جيهة تانية
يحكولك عن رجولتي
جدعنتي ميزة فيا
جدعنتي ميزة فيا

[المقطع الخامس: إسلام كابونجا]
مكتوبلي مسجون في البطاقة
خريج كلية السجون
واخد ع الحبس الإنفرادي
‫تملي بتحبس Alone
قاطع وشوش كل اللي كرف
أنا كاتم على نفسهم
أنا اللي كله منه خلف
عشان عارفين إني هدوسهم
عشان عارفين إني هدوسهم

[الخاتمة: إسلام كابونجا وكلوشة]
الدود البح باشا
ظاهر دايمًا ع الشاشة
جوة الهانوڤيل ده حملة
عامل عليكو كماشة
الفارس أحمد البح
ماشي في طريقه صح
مساند أهله وحبايبه
في الحزن قبل الفرح
محمد يا كلوة
متصيت في الدواير
إسمه ده عامل نوة
ده مشهور بالمغامر
باسم البح إسمه
لوحده كفيل يخلي
اللي مستعرض نفسه
قصاده يقف مجلي
قصاده يقف مجلي
مسا ع الإحترام
الراجل التمام
فارس البح فرود
ده مزعل الأخصام
مودي البح المغامر
تملي عامل سامر
إوعاك تجيله ع السكة
هيقل منك أفاجر
قلبي حزين، مكسور
أنا ببكي كل دقيقة
أحمد البخ أجدعان
هون عليه في الضيقة
كلوشة زعيم عصابة
كابونجا ده الدبابة
فيجو الدخلاوي وزع
هو في مجاله بابا
كيمو الدخلاوي أخويا
ده هو أحلى إدارة
حمو كلوشة إبن أبويا
متميز بالشطارة
مصطفى النوبي يابا
يا ناس نجم زمانه
أسد على أي غابة
العجمي يا ناس مكانه
العجمي يا ناس مكانه