Ana El Sout - أنا الصوت

[المقطع الأول: شريف مصطفى]
أنا الصوت اللي متبقي
وخارم ودانكو بحقي
أنا اللي الدنيا بتهدد
أرد وأقولها طقي
أنا النغمة النشاز يا خلق
أنا اللي تاعبكو مني الفرق
انا اللي جريمتي في قيمتي
ومشكلتي إني قلت الحق

[اللازمة]
أنا المبهج، أنا المزعج
أنا اللي صعب يتبنج
وأنا اللي لما بيهنج ما بعرفهوش
أنا المبهج، أنا المزعج
أنا اللي صعب يتبنج
وأنا اللي لما بيهنج ما بعرفهوش
ما بعرفهوش

[المقطع الثاني: أمير عيد]
وعمري برة في الزنزانة في المريخ ما بحسبلوش
أنا عمري اللي ما أختمهوش بموتي شهيد، أنا ما أعيشهوش
أنا حساباتي مختلفة يا ناس علي رزقها خايفة
سيبوني، أنا العبيط اللي بفكر أعدل الدفة
سيبوني لحلم بيه أصفى وبيه أدفي
وبيه طول عمري بستكفى
ولما تسمعوا حسي
بهاتي سيبوني مع نفسي
أنا العاقل وأنا عكسي

[اللازمة]
أنا المبهج، أنا المزعج
أنا اللي صعب يتبنج
وأنا اللي لما بيهنج ما بعرفهوش
أنا المبهج، أنا المزعج
أنا اللي صعب يتبنج
وأنا اللي لما بيهنج ما بعرفهوش
ما بعرفهوش

[فاصل جيتار]

[اللازمة]
أنا المبهج، أنا المزعج
أنا اللي صعب يتبنج
وأنا اللي لما بيهنج ما بعرفهوش
أنا المبهج، أنا المزعج
أنا اللي صعب يتبنج
وأنا اللي لما بيهنج ما بعرفهوش
ما بعرفهوش