Ana El Fa3el Mosh El Maf3oul (Odamy Materfa3sh 3einak) - انا الفاعل مش المفعول (قدامي مترفعش عينك)

[المقدمة]
أيوة، بقولكو إيه
ما تعاملونيش بالشلموح والسلوني
عشان أما أخطأ معاكو بترجعوا تلموني
بقولك إيه يا فيجو يا دخلاوي
إبعتهاله طرش عشان ما طمرش
فيجو الدخلاوي

[المقطع الأول]
أي سلاح متاح في الحرب
بس الرك كله ع القلب
إتفرج على فن الضرب
والخبط والتخريط
الجولة خلصانة قبل ما تبدأ
ده إنتم مسامير وبتدق
هتشوفوا الأكشن على حق
يا حشرات أنا المبيد
يا حشرات أنا المبيد

[اللازمة]
أنا الفاعل مش المفعول
سجان وباني حواليا سور
بقول للنسر والدبور
هي شدة ومسيرها تزول
يا مرشدين الرجعة فجعة
أغدارين الحرب خدعة
هنلعبو ماتش مصارعة
هتشوفني تسحب على طول
أحمد حشيشة أنزه نزيه
كل إخواته بتتشرف بيه
عامل تاريخ يعيش عليه
مالك من ملوك البلد

[المقطع الثاني]
حمادة الچيكا من العريكة
واقف معاه أي ناميجا
لما نقول حشيشة والچيكا
كده ذكرنا الأساطير
قاطع ع الجبن والسكرتة
كلها ماشية بزمبلك
عاش الملك، مات الملك
والفير أشوف وشك بخير

[اللازمة]
مش هحزب ولا هستقرب
بلا إستثناء، الكل مذنب
هتشوفوا وحش دموي مرعب
هينهش اللحم من العضم
لو أموت لا داعي للقلق
عشان الموت ع الجميع حق
الدنيا أصلاً ماشية زق
وأنا زماني هو أكبر خصم
وأنا زماني هو أكبر خصم

[المقطع الثالث]
أكشنجي، في الجيهة مقاتل
سلاحي وقت العركة حاضر
صيتي مسمع كل الدواير
أنا وشي بطاقة
أدارجي والشارع ده شارعي
ثابت وجودي، واخد وضعي
جدع مع الكل، ده طبعي
أنا سيرتي مسبقة

[اللازمة]
العيشة تلزم الجبان
وأنا مش لازماني يا جدعان
طز في الدنيا والزمان
ده اللي يخاف من العفريت يطلعله
تيجي مكاني عقلك هيطق
هتفقد سمع ورؤية ونطق
لو لفيتها من غرب لشرق
أنا واحد ما فيش في طبعه

[المقطع الرابع]
مسجون راجع أشم نفس
‫كانت الدنيا Very nice
دلوقتي نصه بيشرب آيس
والباقي بيرشد ويوانس
يخرب بيت أمها دي حبسة
جواها صلصة وبرة هايصة
بقى ما فيش شرف منافسة
التغفيل والغدر اللي فايز

[اللازمة]
الراجل مربوط من اللسان
والعويل مهما يطير جبان
الأندال غطوا ع الجدعان
كله ساعة الدقرة بيبان
أنا الجبل، أنا اللي ثابت
ومش بتجبرت ولا بتجاحد
أنا يا عم أقل واحد
بس السلكان رمز الأمان

[المقطع الخامس]
مجنون ودماغي دي مش فيا
عادي أتعارك مع بشرية
ع العقبية اللومنجية
كل خصوماتي دموية
بتعارك مع جميع الملل
وبروح على حقي لو هتقتل
أنا صيتي كاسر صيت حمل
عشان ضرباتي كلها قاضية
عشان ضرباتي كلها قاضية

[اللازمة]
البت بتاعتي أجدع بنوتة
إنتي يا بت الإيه حدوتة
عايز بس أشوفك مبسوطة
سهم غرامك راشق في القلب
عاشق وغرقان في الحنية
ساحراني يا بت الجنية
أكتر واحدة بتخاف عليا
دي الشوق الشوق، الحب الحب

[المقطع السادس]
الدخيلة مصنع الحمل
أخطر جيهة الدخيلة الجبل
أحمد حشيشة لما حضر
كلها بطلت تطير
حضوري لاغي حضور كتير
مش بعتمد صغير وكبير
مسقط طيارات بتطير
ودايس على الكواحيل

[اللازمة]
قدامي ما ترفعش عينك
ما تجيش معايا لا ههينك
على خصومتي ربك يعينك
إنت إتحطيت مع جرادة
أنا كاشح أي مؤامرة
وقت العراك عينيا حمرا
عايز تشوف دلوقتي نمرة؟
إسحب سكينة وصدادة

[المقطع السابع]
شقطت البت بتاعته منه
عشان كان واصلها عنه
إنه كويس جوة جيهته
ومن العشرة الكويسين
كشفت طبيعته قصادها
رحت مانجچ إيدي في إيدها
وجت معايا لكن بكيفها
وإتخزنت عندي يومين

[المقطع الثامن]
إخوات، لآخر نفس إخوات
باشوات سيطرنا ع الجيهات
بنعامل الأندال تلاتات
وبنعامل الجدعان برجولة
بنزعل على بعض وبنخاف
إحنا إخوات سالكين ونضاف
ملبسين كله كشاف
خاطفين من كل الناس الصورة
خاطفين من كل الناس الصورة

[الخاتمة]
أحمد حشيشة من الدخيلة
حشيشة من الأسامي التقيلة
كفاءة لوحده يعارك عيلة
حشيشة الدخلاوي يعتمد
حمادة الچيكا چنرال
فارس كاسر صيت الأبطال
الچيكا يشرف أي مجال
حشيشة والچيكا إخوات
عايش في قلبنا وما ماتش
أخويا بلوزة أبو قرش
كل ما أفتكره عيني تدمع
عشان على بعده ما بقدرش
بلوزة أبو قرش لما راح
كترت في قلبنا الجراح
ربنا يرحمك يا أخويا
من بعدك أنا صعب أرتاح
النكشنجي حودة السورس
أخطر أكشنجي، ده البيج بوس
حودة السورس مقاتل مخيف
كله يتعوض إلا السورس
هو الدبابة البشرية
صابر الدبابة سكينته حية
أخويا صابر الدبابة
ده سيرته واصلة العالمية
ونور عاطف چنتل الكومي
قالكو إحذروا من هجومي
هو الچنتلة أخويا نور عاطف
هو اللي يقول للدنيا قومي