Ana El Ahly - أنا الأهلي

[المقطع الأول]
أنا الأهلي اللي كان والحاضر
أنا الإسم اللي هز جبال
من الأول لحد الأخر
هيفضل مصنع الأبطال
أنا قد الحياة وتحدي
ولسه عندي قوة وعندي
أعدي ألف سد وأعدي
أقوم وأطلع وأهد جبال
أنا الإسم اللي لف الدنيا
وماضي تيشيرت في اليابان
بطل عدى حدود أفريقيا
ولسه في قلبه حلم كمان
في ضهري ومن سنين قواني
قلوب إديت كتير علشاني
أنا الأهلي اللي صان العشرة
دهب مش قشرة ولا بهتان

[اللازمة]
بدايتي وكانت كده
بنيت في سنين كل ده
ولسه في أكتر من كده
سنين وهبنيها
أنا اللي هكمل كمان
في ضهري كتير من زمان
معايا جماهيري بتسند بيها

[المقطع الثاني]
أنا الأهلي اللي ربى وعلم
بكلمة حب مسموعة
وجيل من بعد جيل بيسلم
ورايته تملي مرفوعة
أنا النجم اللي فوق في العالي
أنا اللي مافيش إيدين واصلالي
أنا روح الفانلة الحمرا
وأنا الناس اللي عايشالي
أنا الأهلي اللي سابق دايمًا
ودايمًا سكتي قصادي
ومهما الدنيا بتعطلني
بوصل برضه في معادي
لا قدرت يوم ظروف تحبطني
ولا صوت عالي بيسكتني
أنا صوتي اللي لف الدنيا
ولسه بيعلى وينادي

[اللازمة]
بدايتي وكانت كده
بنيت في سنين كل ده
ولسه في أكتر من كده
سنين وهبنيها
أنا اللي هكمل كمان
في ضهري كتير من زمان
معايا جماهيري بتسند بيها
بدايتي وكانت كده
بنيت في سنين كل ده
ولسه في أكتر من كده
كتير وهبنيها
أنا اللي هكمل كمان
في ضهري كتير من زمان
معايا جماهيري بتسند بيها