Ana 3azeezy - أنا عزيزي

ما إستغنيتش
عن نفسي، بص تاني ماتقلدش
أو قلد مهما تعمل وبتفاني ما بتفرقش
مسكت لجام مصيري حلفت تاني ما يفرملش
ما إتجننتش، من كتر ما سِبت نفسي كنت خايف أبقى مرضت
إتطمنت
عزمت إن أبقى صاحبي وكنت واقف يوم ما وقعت
قُمت طمعت
ع المشاية بجد لعب، نفسي تعبت
بتحرك من يوم ما عرفت
برضه واقف في مكاني، قُمت وقفت
طريقي زفت، ع الأقل متسفلت
هيجي يوم أقول حاولت، ع الأقل بس أفرق
هيجي يوم أقول كسبت، ع الأقل بس نفسي
أيام كتير أكيد غلط، ع الأقل بستغفر
من العيال دي بستنفر
كبتّ الظلم والأيام دي بتنرفز
هيجي الدفئ والمرة دي متأكد
سنين بدور مين يزف وللي عزم متشكر
سنين كان كيفي أتنكد
خلاص آمنت حالياً نفسي بتزكي
عزيزي أنا، كلمتك أخيرا رضيت
بدموع عينيا ممنون ليك إنك أخيراً بصيت
ناحيتي لما صوتي إتنبح وفقدت التعبير
عن نفسي لما خسرت كل شئ عشان أرضي الغير
سنين لُمتهم
سنين لُمت أمي، غضبت ع الأحباب كلهم
كوابيسي بتلُمني
إزاي ما ليش مكان في قلبهم؟ دفعت ده بعمري
سنين بوصل ناس للنور ومش فاكر الكبري
خلاص موسالم الدور جه، مش عايز حد يحضنّي
وصلت نفسي لمعة نجم وما إحتاجتش لستورجي
سألت ربك يسترني
ما عملتش ده عشان حد فيكو يشكرني
عملت ده عشان محتاج إللي يقُلي
إنت في أمان
متقبل كل حلوة ووحشة فيك من غير كلام
تعبت بجد ومحتاج تستريح يا دوب تنام
وهفضل جنبك مهما حصل إيه، ما فيش سلام
من غير كلام، فاهمك من غير تبرير بلاش
هنا السلامة، هنا السكينة إللي أستاهلها
ومن زمان يمكن كان لازم أفتقدها وأنام بخاف
عشان أقدّر يوم ما أجيبها ما أبددهاش
ما إحتاجتش من حد أسمع كلمة ما عرفتهاش
بدأت أخف أما إتصالحنا، أنا وياك
قُلتلي دوا وسِنّة سِنّة بطلت أخاف
بدأت أصدق إن ممكن أعيش سلام

عزيزي أنا
أنا عزيزي
دموعي جفت بس دروسه كانت حقن وريدي
جروحي خفت و الندوب دي كانت دليل حديدي
إنك محارب فزت و لما صبرت النور بييجي
شكرا مشكور حبيبي
لجلك ممنون حقيقي
شفت المبعوت و مافهمتوش غير لما الصوت وطيلي
دوشة من كان راميني
صوت من جواك ناديلي
خافت أوقات عليلي
خفت في أوقات يسيبني
أتوه مالقاش سبيلي
الحمد لله ده محصلش
الحمد لله الداء منتصرش
الحمد لله نحمده عالضلمة
الحمد لله في السراء و الضراء
أشيل و أحط في نفسي طلعنا عضلنا
الحمد لله الصحبة كانت صالحة
الحمد لله مجتش بالحظ
الحمد لله عالعيلة و أحضانها
الحمد لله سجدت عالأرض
لولا دوا كنا متنا ميت مرة
عزيزي أنا
أخيرا مش في حتة قلقاني
و لو زلزلت إفتح نوتة و إبدأ إكتب تلقاني
إنزل إتمشى بص فوقك تحس بيك جواك
ليه تستخبى؟
إبقى نفسك إوعى تخبي أجزاء
ماتسبش راسك عالمخدة لو في يوم معرفتش تنام
قول الكلام بصوت عالي لو معرفتش في كتاب
هتصعب تاني بس إنت جاهز و المرة دي أنا معاك
بعد فترة مسيرها تمطر و انت الخير ده تستاهل قدها
ربك يعينك عالشقا
سنين بنتصارع في الخفا
أوعدك الكلام ده انتهى
تحيات واحد شاف بلا
عزيزي أنا
عزيزي أنا
عزيزي أنا
أنا