Amel Teel - عامل تقيل

[المقطع الأول]
خليك كده عامل تقيل، تمام، تمام
وأنا مش هسلّم مستحيل، قوام، قوام
عمال تقول بعنيك كلام، كلام، كلام
باين عليك الإهتمام
قالوا الصراحة راحة قول، هقول وأقول
قدام عينيك الحلوة دول ما ليش حلول
والوقت لو هيطول يطول، يطول، يطول
خلينا كده على طول

[المقطع الثاني]
أنا مش همّل، أملّ مين، ده يوم يومين
وتحنلي وقلبك يلين، كمان يومين
وإكمنّي خبرة من سنين، بشوف عينيك
قدام عينيا مشتاقين
إفهمني، ده الموضوع كبير، كبير، كبير
وأنا عندي ليك كلام كتير، كتير، كتير
وبقيت بخاف عليك وأغير، بخاف وأغير
أيوة بخاف عليك وأغير

[المقطع الثالث]
ما ليش أنا في السكة دي، فاكرني إيه؟
أنا اللي أحبه بداديه، وأصبر عليه
لكن إنت لأ زودتها، بقولك إيه
قصر وقول ع اللي مداريه
كلمة يا دوب أربع حروف، بلاش كسوف
قولها كده وجرب وشوف، كفاية خوف
إنت اللي نفسي أعيش معاه ما بين ألوف
فبلاش نسيبها للظروف