Aly Ablek Kanet Nekadeya - اللي قبلك كانت نكدية

[المقدمة]
طب آه من صوتك وحلاوته
ده بجد خلاص أنا أدمنته
أصل إنتي الحلم اللي حلمته
ومش هسيبك
كيمو الديب

[جسر]
عادي، عادي
أنا على الله حكاياتي
وطول ما جنبي أنا إخواتي
بكون مطمن
إحنا اللمة
ما أسمعش منكم لو كلمة
هنقضي عليكم مكالمة
وكبيركو هيركن

[المقطع]
قرب تعالالي، خد يا ني
أنا حاطط عليك رايح جي
مني هتعادي وتقول آي
ترجع زعلان
نصار ع الخصم مفترية
إصحى لحديدة عم الدنيا
وناصر بلحة الرجولية
إخواتي الجدعان
إحنا قوتنا في لمتنا
أشباح وشرفنا جيهتنا
حبينا الناس وحبيتنا
من يومنا أسود
ما يغيرناش يا إبني المال
المال ولا يعمل أبطال
خليك بنفسك يا شمال
وعيش مظبوط
كداب وشغال كده لك
وبطولك يالا، مش بالحك
من عندي هتاخد بلوك
آه، وهخصمك
ممنوع أصاحب الأندال
أنا شاب بخوف التقال
تعادينا هتخسر في الحال
وهنردمك
مازن يعني العسلية
ضحكته من القلب طالعة صافية
هو فرحتنا في الدنيا
قلب حبيبك
طب آه من صوتك وحلاوته
ده بجد خلاص أنا أدمنته
أصل إنتي الحلم اللي حلمته
ومش هسيبك
أنا نص الخلق بتإذيني
طبطي عليا ونسيني
وخديني في حضنك ضميني
خليني أهدى
اللي قبلك كانت نكدية
جرحتني وبكت في عينيا
بس إنتي كلك حنية
أجمل وردة
حياتي ملل، بقيت بمل
من حرقة قلبي أنا بتشل
والعين بصاصة، مش بتحل
بتحسدني
القرش جايبه بالمعافرة
والراحة عندي ليه مسافرة؟
والناس قلوبها سودا وتافهة
آه، وبتندبني
جرح الحبيب أنا حولني
قلبي الطيب ده اللي تاعبني
وآمنت ناس وغفلتني
خليتني شيطان
وما فيش تقدير للأشقيا
كله بيحن للطرية
ولصاحبه فاتح الخاصية
آه من النسوان
مشيت يميني وإتزحلقت
وماسكني النحس، ده أنا زهقت
حتى في فلوسي إتسرقت
وما فيش ضمير
الكل عليا بيستلوح
وعقول مجنونة بتتسوح
على نار عالية أنا بتشوح
وما فيش تقدير
اللي بيجرالي مش تمام
بتشقلب حالي الأيام
لو مرة هبص لقدام
هتعب بجد
أبطال مين؟ بلا وكسة
لو قلبت عليكو تبقى كارثة
مش هديكو يا إبني حتى فرصة
ومش هتسد
الشفرة بتاعتي قاتلة، جاحدة
بإشارة جمعت ألف عدة
إنتو مش حمل ضربة واحدة
إسكت لا تموت
من إمتى القطة بتتكلم؟
إركن وإتفرج وإتعلم
مننا تبحلق وتبلم
شغلنا مظبوط
رجالة بشنبة وبتزيط
في البيت محكومة من قراميط
ما تخف وبطل تبيض
آه، لا هتتجرح
بإيده بوظ حياته
بيجيب الأوردر لمراته
أشبال وصبحت أسياده
إنت كلح
أنا عندي عمق الإحساس
من نظرة أنا بس أقرا الناس
الخيانة ضاربها ألف فاس
ومش خايف
وما حدش قادر يكسرني
أنا جاحد والناس بتهيبني
أشرفك لو تصاحبني
أنا ميت، عارف
الناس بتخاف من نزلتنا
لا في يوم خوفنا ولا هيبنا
ده حديدة كينج جيهتنا
ما بيجليش
تعادينا هتلبس يالا طرحة
مطاوينا ع الخصم جارحة
شبح الجيهة ناصر بلحة
تعاديه مش هتعيش
ما تجيش وتعمل درويلة
أساميهم ع الخصم تقيلة
أجدع ناس بيت أبو رجيلة
إخوات ع الموت
حسو الرايق المتصيت
هتضايقه في مرة هتتخيط
في الإنعاش يا إبني هتبيت
أصله جبروت
أدب ورجولة، نفس عزيزة
ما بيصاحبش أصحاب خسيسة
شبح العزبة ده أبو حفيظة
ما يجيبش ورا
في الشدة الكل بيبان
ع الجدعان مقفولة بيبان
في خروجك أصبح فرحان
أوزي السيطرة
مسكر يابا بطل جيهته
محبوب من كل منطقته
في كل حتة سابقاه سيرته
علشان جدع
ودي مش غرور ولا تناكة
الولا مازن الشياكة
نصار طلقاتها فتاكة
هتزيط تتوجع
كروان بلدنا عصام صاصا
في مجاله هو الرياسة
وكيمو الديب الخلاصة
ظبط التوزيع
أبو چيكا إدارة تمام
بالحب نعدي الأيام
وعبده روقة كتب الكلام
بخياله بيذيع