ALBE BYRT3SH MN EL WEHDA - قلبي بيرتعش من الوحدة

[اللازمة]
قلبي بيرتعش من الوحدة
مش عارف أخرج من المحنة
عايز أرجع للصفر تاني، أنا مش قد الرحلة (آه)
قلبي بيرتعش من الوحدة (إيه)
مش عارف أخرج من المحنة (إيه)
عايز أرجع للصفر تاني، أنا مش قد الرحلة

[المقطع الأول]
وأنا ليه خايف أموت وده مكتوب؟
وأنا ليه ما ليش نصيب في القلوب؟
وأنا ليه روحي ع الأرض ومش بفوق؟
وحتى الحلم اللي حبيته كان كابوس
ما تستنوش مني حاجة، أنا مش قادر
في عز ما بنجح أنا بشوف نفسي فاشل
واللي مصبرني في كل ده إن ربي عادل
وأنا من النوع اللي بيراكم مش بعاتب

[فاصل]
كلاكسات، زحمة وكلاكسات
دنيا مزعجة وفيها وحوش في هيئة ناس
أنا بزامل الوجع، واقع مش الكاس
حتى لو رجعت فاقد إحساس
قلبي بيرتعش من الوحدة
مش عايز أخرج من المحنة
عايز أرجع للصفر تاني، آه

[المقطع الثاني]
الحب وأسراره
ليلي ونهاره
حبيبتي أنا مصدق إني هشتري كامارو
مع إني ما معيش ولا مليم، ‫I'm believe it
لو مش واثقة إني هعملها، أنا هسيبك
أنا ما جِتش بدري، جيت وحد قبلي
ليه نصيبي فيكي إنك تتعالجي منه معايا؟
لما بتحكيلي عنه وتوصفيلي عادته
بحاول أصبرك بس أنا بموت جوايا
كل أما أنسيهولك، الدنيا ترجعهولك
أخاف أقول "بحبك" تبقى عندِك دي النهاية
الملايين اللي هتشوفني، هتحس ده في غُنايا
وما تخافيش أنا إتكسرت ومش عايز دوايا

[اللازمة]
قلبي بيرتعش من الوحدة
مش عايز أخرج من المحنة (إمم)
عايز أرجع للصفر تاني، أنا مش قد الرحلة (آه)
قلبي بيرتعش من الوحدة
مش عايز أخرج من المحنة (آه)
عايز أرجع للصفر تاني، أنا مش قد الرحلة (قلبي بيرتعش من الوحدة)