Al-Tar7il | الترحيل
El Rass - الراس
Download "Al-Tar7il | الترحيل"
Al-Tar7il | الترحيل by El Rass - الراس
Release Date
Performed by
El Rass - الراسProduced by
El Rass - الراسWrited by
El Rass - الراسAl-Tar7il | الترحيل Lyrics
['كلمات الراس "الترحيل]
هرمنا ع بكير
عايشين بالجسد والروح ميتة بالنطرة
رحنا معس برغيف الحرب
والأمل بعل عم يربى فينا بالقطرة
والجيبة تبنّت عش للعصفور من الطفر
الغربة بين ضلوع البلد أبشع
شكلي رح عرّج ع شنتة سفر
أوأبقى مصلوب هون..ملتحف بالصمود
متل سقف بلا حيطان أو بكرة بلا خيطان
الحي سفينة بعرض البحر والموت قبطان
عبواالأشلاء بأفّة للتبخيس..من غير ملة
تعويذة السمسار للتسييس..اللي بقيس طمعه
حسب مزبل العرق والدين
ودمنا عم يخاوي الأرض متل شي حفلة تكريس
العروبة مخطة ولد من الحرب قلبو دهمان
والدم مكوّر ورا جلباب شيخ بالرب سكران
أنو نرسى ع بر مأمن صار محال
خنقة متل رمل بالبلعوم سال..سأل المحتكر
كيف بيعلف سما أنانيتو ويتخرسم بالمال
كيف بدنا نخلص وكنتون التعريص منوّع
حاج تفعي بالتمييز
علبوا عقلك بدبغة عمى..وحطوه بقطرميز
اطحان ضميره بالرحى للي باعوا للبرطيل
سبيلنا للتسنم ياعزيزي مبشم بخازوق التدجيل
مبطّن بخصوبة الترويض بالعملة
الوطن صار جيبة للذمة
البلد من جشعكن ناس نورها
تبقى دك النسناس بمهب غورها
التفحنا الرّدى من بعد سنين سوطها
ولهلق معلق ع مشنقة الأمل جوا روحها
والمدينة عابسة..وجوه الناس فيها أرض يابسة
بدوامة الموت صارت عايمة..زرعت فيني وعد
لأغفى بحضنها..بحقنة ذكريات مخدّر
عم تهمسلي قايمة لنرقص مع طيفها
ونعزف صخب صوت رصاص
متل اللي بلعوا حوت وتوهم بصرّة
وعم يدوّر ع خيط للخلاص
والأرض ثكلى عم تصرخ مدد ولا مناص
إلا بالعقل اللي صار بين سبطانة سلاح..وفتة مأذن
بين أدلجة عنيدة ورحلة مدافن
برغوث الخوف ربي فينا
طعميناه سكوت من رحم وجعنا ف انتفينا
بحر التخوين غرق فينا..ولبس توب الضحية بيخزي
وأمواتنا تحت جلودنا مابيفيدنا
لهيك تعا نلعن صفوة اللي سكر ع دمنا
وشق الخريطة وبلها بكاس اللي راحوا
أية بالحق بكبد السما ارتاحوا
Al-Tar7il | الترحيل Q&A
Who wrote Al-Tar7il | الترحيل's ?
Al-Tar7il | الترحيل was written by El Rass - الراس.
Who produced Al-Tar7il | الترحيل's ?
Al-Tar7il | الترحيل was produced by El Rass - الراس.
When did El Rass - الراس release Al-Tar7il | الترحيل?
El Rass - الراس released Al-Tar7il | الترحيل on Tue Mar 15 2016.