Al Kheir w Alshar الخير والشر

[المقدمة]
الخير والشر موجودين من أيام سيدنا آدم
ولازم الخير يكون أقوى، عشان الشر يعملّو ألف حساب

[المقطع الأول]
لو مش عارفني وشوفتني وارد تفتكرني حرامي
وارد لو شوفتني بسرق تحطني في موقف اجرامي
يتحددلي المهمه، مهمتي مرجعشي عن قراري
ارجع الحق لاصحابه واللي سرقها يشم غباري
في خبرة العربيات حطني في المراكز الأولى
ايدي قادرة تفك اكبر موتور لحد اصغر صاموله
بشوف المسروق ضحيه مش مجرد زبون
شغلتي اني حرامي برجع الحق من السارقون
العربية كيان متكامل منش مجرد حته خردة
انك تفهم كل جزء فيها دا اسمو عنصر الخبرة
توظفهم مع بعض يبقى عندك القدرة
ترجع الحق اعتبرنا فرع سري للشرطة
الطرق محفورة في مخي، مرسومة وحافظ الخريطة
أحيانا رجوع الحق لازم يكون بنفس الطريقة
لو العصابات بسهوله قادرين يسرقوا العربيات
انا وفريقي قادرين نرجعهم باقل تلفيات

[اللازمة]
عارف طريقي مش سايب مجال للشكوك
فرقة محترفين وهدنا نرجع الحقوق
مشهد موسيقته التصويريه صوت الفروم فروم
بنسرق اللي سرقوا فسمونا السارقون
عارف طريقي مش سايب مجال للشكوك
فرقة محترفين وهدنا نرجع الحقوق
مشهد موسيقته التصويريه صوت الفروم فروم
بنسرق اللي سرقوا فسمونا السارقون

[المقطع الثاني]
حافظ تكوين أي عربية من التابلوه لحد التروس
بكسر أحلام العصابات مشهور عندهم بالكابوس
بدور واسمع صوت الموتور اقدر اشوف المستقبل
ازاي هضحك عاللي سرقوها وهما شايفيني بسرقها
البوس بيدي مهمه وعليه التخطيط والتنفيذ
بدماغي بدوس على مخططاتهم اكتر مبدوس بنزين
يتحددلي المهمه بس تنفيذها براحتي من غير شروطك
زي التعبان بفتح الاقفال وبفاورا أي مسوجر
بتسرق تعب السنين بتسرق منه شقاه
بداوقك من نفس الكاس واعتبرة درس في الحياة

[اللازمة]
عارف طريقي مش سايب مجال للشكوك
فرقة محترفين وهدنا نرجع الحقوق
مشهد موسيقته التصويريه صوت الفروم فروم
بنسرق اللي سرقوا فسمونا السارقون
عارف طريقي مش سايب مجال للشكوك
فرقة محترفين وهدنا نرجع الحقوق
مشهد موسيقته التصويريه صوت الفروم فروم
بنسرق اللي سرقوا فسمونا السارقون