Akher Fatra - آخر فترة

[المقطع الأول]
عِشنا وشُفنا وزي ما تجيبنا الدنيا كنا بنيجي
سنين بتعدي وناس تتغير والعمر قصير
كله مجرد وهم ومش حقيقي
منذ طفولتي وسني صغير
أنا سايب الدنيا والأيام بتجيبني وبتوديني
كبرت شوية وشكلي إتغير
‫كان نفسي الدنيا تبقى سهلة معايا، تبقى Easy
فجأة كل الأحوال إتبدلت والدنيا إتشقلبت
إتفك القفل خلاص رميت المفتاح
الثقة في نفسي رجعت ليا إتجددت
قدام مرايتي بقيت بشوفني مرتاح
‫نزلت بـ System خلى الدنيا إتسستمت
‫بقيت سايقها زي ما أعوز بدون Limit
من تحت بيتنا بدأت قصة وكملت
‫من صفر لـ ١٠٠ ومن الـ ١٠٠ لـ Infinite

[اللازمة]
اليومين دول عكس آخر فترة
والفترة الجاية يومين حلوين
ألف الحمد الله والدنيا ظابطة
وفي أحسن حالة منذ سنين
إحنا الدنيا إديتنا إشارة خضرا
إحنا الدنيا إديتنا إشارة يمين
إحنا لعبنا الزهر وخدنا بصرة
رُحنا لأبعد نقطة ومش راجعين

[جسر]
الحمد لله ما بقاش في حاجة في نفسي إلا وإتجابت
بقيت متأكد إن مسيرها تيجي مهما غابت
مبروك دي كلمة قعدت كتير بستنى عقبال ما إتقالت
وخلاص دلوقتي كل حاجة ما بقتش زي ما كانت

[المقطع الثاني]
خطوة جديدة لقدام
كل يوم خطوة جديدة لقدام
سايق الدنيا على ٢٠٠ مش بهدي
وزي ما تقول عايز أعوض الأيام
عايز أعوض الوقت اللي فاتني
وعايز أحس إني دلوقتي كسبان
زي ما تقول كان في القدر متشالي
أقول لنفسي أنا في يوم من الأيام

[اللازمة]
اليومين دول عكس آخر فترة
والفترة الجاية يومين حلوين
ألف الحمد الله والدنيا ظابطة
وفي أحسن حالة منذ سنين
إحنا الدنيا إديتنا إشارة خضرا
إحنا الدنيا إديتنا إشارة يمين
إحنا لعبنا الزهر وخدنا بصرة
رُحنا لأبعد نقطة ومش راجعين