Aifach

Aifach nur sii
Aifach für üs
Aifach meh Ziit
Aifach die Gfühl
Aifach nur du und i

Es isch die perfek Romanze
Zwei Seelä am tanze
Trennt, entwicklet, denn verschmelzed zum Ganze
Zwei Herze, ein Schlag im gliche Takt
Zwei Augepaar usgrichtet uf de Abig hin vom Tag
Wo Zuekunft plötzli Sicherheit und offe isch
Wo Wuet dr Überzüügig wiicht und Hoffnig wird
Miteme offne Ohr und emene wache Blick
Ihri Hand hebt zum das Glück fasse wo uf üs wirkt
Neugird stoht is Gsicht gschribe, schnuuft küehl
Meh isch innerlich bi sich blibe und ufblüeht
Träumt wieder im Früelig, Überwinteret im Winterbett
Solang du mi no hebsch, wärmsch mi wie ne Glüehwhy
De süess Gschmack vor wiite Färni erreicht
Es erhellts Dehei mitte im Betton vo de Reihehüüser
Zerst entpackt denn vergangeheite Abschlüsse
Segend de Stadt Goodbye und wanderet uf Reihersfüess

Aifach nur sii
Aifach für üs
Aifach meh Ziit
Aifach die Gfühl
Aifach nur du und i
Aifach nur du und i

Aifach nur sii
Aifach für üs
Aifach meh Ziit
Aifach die Gfühl
Aifach nur du und i
Aifach nur du und i

Mir zwei gege de Rest, mir hend gnueg lang büglet
Begrabed alti Traumas do obe ufem Rosehügel
Mir hend gnueg lang prüglet, kämpft um jedes Bitz
Verängstigst und schlicht überforderet mir Hitz
E letzti Dose ufem Balkon vo der Hochhusssidlig
Alli Tärum uf Papier brocht und das Buech versieglet
Ine Tresor ihgsperrt
Sitt i di kenn bini entli de Mensch woni will sii
Und nid de Ruef voll Zwiifel
Wo ah mir wiene Sticker klebt, ha mi abgwendet
Magnetkraft ahzüchend wie in der Nacht d Sterne
Schenk der s ganze Weltall, fantasieä, Kindernäme
Schwörder nie wieder Drama, alles abstella
Jede Schritt plötzlich selbstischer, wett uf acht Enklä
Läbend z Obig abgschiede uf Terassa, im Garten Eden
S dörf wieder glacht werde, Liebe isch so gross
S Lebe verschloofe und erst grad am wach werde

Aifach nur sii
Aifach für üs
Aifach meh Ziit
Aifach die Gfühl
Aifach nur du und i
Aifach nur du und i

Aifach nur sii
Aifach für üs
Aifach meh Ziit
Aifach die Gfühl
Aifach nur du und i
Aifach nur du und i