Accussì va ’o munno

Accussì và ‘o munno
È accussì c’adda girà
Accussì va ‘o munno
E cu chi t’a vuò piglià
Strigne ‘e diente e curre
Tanto nunn’ ‘o può cagnà!...

Accussì và ‘o munno
È accussì c’adda girà
E si gira stuorto
Tu pecchè te vuò mpiccià
Si nu fatto nun te piace
Avota ‘a capa ‘a parte e llà!....

A che munno è munno
È sempre stato accussì
Chi è cchiù gruosso allucca
Ll’ate l’hanno stà a sentì
‘a che munno è munno
Nun ce stà niente ‘a capì!...

Cicche cicche bummà, conta fino a tre
Fa duje pase annanza e po’ abballa appriess’ ‘a me
Chi cummanna ‘o juoco ha ditto che s’adda abballà
E nuie nunn’ ‘o putimmo fa j’nfreva, no
Nun ce putimmo ribellà!...

Accussì và ‘o munno
È accussì c’adda girà
Masaniello è muorto
Masaniello nun ce stà
Pecchè pure si turnasse
Sai, che fine ‘o fanno fa!...