’A primma ’nnammurata

[Testo di "'A primma 'nnammurata"]

[Strofa 1]
Ajere pe' Tuleto mme 'ncuntraje
Cu 'a primma e sola 'nnammurata mia:
Ll'uocchie pittate... addó passaje lassaje
Tutt' 'e prufume 'e 'na prufumeria
E a vint'anne turnaje cu 'stu penziero
Chilli vint'anne ca nun tengo cchiù

[Ritornello]
Ll'ammore è 'na ferita
Ca 'o tiempo po' saná
Ma te rummane 'o segno tutt' 'a vita
Pe' t' 'a fá ricurdá!
Pe' t' 'a fá ricurdá!

[Strofa 2]
E mme so' ricurdato 'e 'na fenesta
Maria 'mmiez'ê glicínie rampicante
Ddoje fronne 'aruta 'mpietto, 'o juorno 'e festa
Dduje curalluccе â recchia pe' brillante
E 'na vеsta cu 'e mmane soje cusute
'Nu poco 'e cipria 'nfaccia e niente cchiù

[Ritornello]
Ll'ammore è 'na ferita
Ca 'o tiempo po' saná
Ma te rummane 'o segno tutt' 'a vita
Pe' t' 'a fá ricurdá!
Pe' t' 'a fá ricurdá!

[Strofa 3]
E doppo 'n'esistenza 'ntussecata
Che 'a vita nosta 'nu rumanzo fuje
Essa pigliaje 'na strada, io 'n'ata strada
Ma cu 'na spina ô core tutt'e dduje!
E 'a tant'anne, d' 'e llacreme chiagnute
N'è rummasa una e nun s'asciutta cchiù

[Ritornello]
Ll'ammore è 'na ferita
Ca 'o tiempo po' saná
Ma te rummane 'o segno tutt' 'a vita
Pe' t' 'a fá ricurdá!
Pe' t' 'a fá ricurdá!