’A finestra (Live in Siracusa)

[Testo di "'A finestra (Live in Siracusa)"]

[Intro]
La, la, la, la-la, la-la, la, la
La, la, la, la-la-la, la-la, la-la, la-la

[Strofa 1]
Sugnu sempri alla finestra e viru genti ca furria pà strada
Genti bedda, laria, allegra, mutriusa e siddiata
Genti arripudduta cu la gigghia isata e a vucca stritta
"Turi ho vogghia di quaccosa, un passabocca, un lemonsoda"
Iddu ci arrispunni: "Giusy, quannu ti chiamavi Giuseppina
Eri licca p''a broscia c''a granita"
"Turi, tu n'ha fattu strada e ora che sei grosso imprenditori
T'ha 'nsignari a classi 'ntò parrari"

[Strofa 2]
Sugnu sempre alla finestra e viru genti spacinnata
Sduvacata 'nte panchini di la piazza, stuta e adduma a sigaretta
Gente ca s'ancontra e dici: "Ciao" cu na taliata
Genti ca s'allasca, genti ca s'abbrazza e poi si vasa
Genti ca sa va stringennu a cinghia, si strapazza e non si pinna
Annunca st'autru invernu non si canta 'a missa
Genti ca sa va 'lliccannu a sadda
Ma ci fa truvari a tavula cunsata a cu cumanna

[Ritornello 1]
Chi ci aviti di taliari, 'un aviti autru a cui pinsari
Almeno un pocu di chiffari?
"Itavinni a travagghiari" vannia 'n vecchiu indispettitu
"Avemu u picciu arreri o vitru"
Jù ci dicu: "M'ha scusari, chista è la me casa e staju unni mi pare

[Strofa 3]
La domenica mattina dagli altoparlanti della chiesa
A vuci 'i Patri Coppola n'antrona i casi e trasi dintra l'ossa
"Piccaturi rinunciati a ddi piccati di la carni
Quannu u riavulu s'affaccia rafforzatevi a mutanna"
Quannu attagghiu di la chiesa si posteggia un machinone
Scinni Saro Branchia detto Re Leone
Patri Coppola balbetta e ammogghia l'omelia cu tri paroli
Perché Sua Maestà s'ha fari a comunione

[Ritornello 2]
Chi ci aviti di taliari, 'un aviti autru a cui pinsari
Almeno un pocu di chiffari?
"Itavinni un pocu a mari", vannia un vecchiu tintu
"Accussì janca mi pariti 'n spiddu"
Jù ci dicu: "M'ha scusari, picchì hati a stari ccà sutta a me casa pà 'nsultari?"

[Strofa 4]
Sugnu sempri alla finestra e viru a ranni civiltà ca ha statu
Unni, turchi, ebrei e cristiani si stringeunu la manu
Tannu si pinsava ca la diversità è ricchezza
Tempi di biddizza e di puisia, d'amuri e di saggezza
Zoccu ha statu aieri, oggi forsi ca putissi riturnari
Si truvamu semi boni di chiantari
'Nta sta terra 'i focu e mari oggi sentu ca mi parra u cori
E dici ca li cosi stannu pì canciari

[Ritornello 3]
Chi ci aviti di taliari, 'un aviti autru a cui pinsari
Almeno un pocu di chiffari?
"Itavinni a ballari, ittati quattru sauti e nisciti giustu pì sbariari"
Jù ci dicu: "Cù piaciri, c'è qualchi danza streusa ca vuliti cunsigghiari!?"

[Outro]
La, la, la, la-la, la-la, la, la
La, la, la, la-la, la-la, la, la
La, la, la, la-la