9hrona

[Paroles de Youss45 feat. ZanZan & Weld Lgriya "Kahrouna"]

[Couplet 1: Youss45]
9ehrouna, 3ad salamo 3likom a s7abi
7ob Allah wel walidine w sala 3ala Nnabi
Tlata, bina 9elbna chbe3 drabi
Lberd dakhel m3a tt9abi, lberd3a bdat ddabi
Nes7ek a weldi thezz lboune9cha men 9ellet ttrabi
Lgriya goulhom ch7al men bou9 mcha b sout lba3ir
Zadoulna fel masa2il, 9et3olna 7ta lwasa2il
Li hada ghan7arbo lmalal, bi istincha9 l7achich
7abbada la kant fina l insanya li fina te9der
Tbeddel l3onsorya kter, tensef lfa9ir la hder
Ta yaklo fina jab Allah chemmina fihom ri7t leghder
Merd l7ez9a li ghaydini 3wer, b rejlya l 9ber
Bladi ra mellit, 9ehrouna bel moukhaddirat d Rrif
Jayya ness kilo f belghina, w mdowwi bel 9andil
F bni 7sel 7eslo lbbandya bel bakhira f lil
Cha3b 7abb khobz ma tchaf ma 9asouh yeddine
Ba9i wladi ygoulo 3lya kelma zina wana lhih
Rebbi bou7dek te9der te3tini l7orya w tesjenni
Rrap l9asse7 3emro ymout, 3ayech 3la wedd lemselmine
Dar mehjoura dkhelti liha sme3nak fach galti msallmine

[Couplet 2: ZanZan]
Ch7al 9eddni ma nkeffer 3la denbi
Kol ma ghra9it ka netme3 bach teghferli a Rebbi
Aweddi ch7al men wa7ed kan f jenbi
Melli seknat fya lmout 7ta 7edd ma 7ess b de9at 9elbi
7Yati dayza jerraya w kanzid ngoulha sebgui
B drogues wel 7chich, w adwya d lhih
Kaber m3a l9ettala fel 7ouma del wil
Inspiration dyal lehnoud fel wa9i3 machi f temtil
Zid tchouf, wayyih! sowel Youss wel Lgriya
Akhta2 dernahom f 7yatna w jabthom lina ghi niya
Ma 39elnach 3la li 7ebbatna, metna w khellina wsya
Ghadi bou7di foust tri9, dareb kit w 9obbya
Album Ar9am, souti weslek kanfaji
N9echna f Seddam, skerti bentlek kan7aji
Bnadem 3erram, 9lil ma kaykemmel trajet
Kolchi l nnar, 9lil fina li naji
Kan7ess b ta2nib, taleb ghir ntoub
Kanjbed rjel, w rjel kateghre9 f dnoub
Fommi kaysseff, w sadri kaddoub
Ga3 li wa9e3 li sabab, kan2amen bel mektoub

[Couplet 3: Weld Lgriya]
Eh, bayya! namasté
Denya medrasssa kat9erri, zen9a 7ebs bla biban
Ghadi y9ehrouk la katselli, ghadi y3ezzouk ila Didane
Lwalid meskine bghani nwelli, mech'hour fel koura ki Zidane
9anoun bladi li j3elni, nkoun f ddoura chadd jwan
L9elb merdoum b alf kyya, lkebda dabet gha bel whisky
Hada 3lach 7da leb7er, kolchi w9ef kaysayen dyaski
Dreb dwira f Beni Ensar, tchouf weldi b 7yato mriski
Ghir b nn3as 7da le7jer, rebba lektaf wella ssi muscu
Medrassa le9dima bach bdina, balli biha ghadi nsali
Zanzan FortyFive, ga3 kay3icho 3icha b7ali
Yak a zehri ch7al bkit, f daw l7egra ndar mchali
Melli le3reb ga3 ma fehmouna, 3edn lehnoud ghan'installi
Eh! "Tum Paas Aaye, Yun Muskaraye"
Ki lehnoud ghadi nghennilek "Ayi Zamana Yeh"
Bladi loca zre3 fel coca, "Kuch Kuch Hota Hai"
Bghina leflouka tjina droka, n3icho f bladna nahee
7ez9ouli slouka bel 7ertouka, khouk zentanahi
Khouna zentana, ne9cha herbana
Ga3 goulo m3ana, 3icha d ddel li kan3ichoha lwe9t m7arbana-na

[Outro: Youss45]
M7arbana-na
M7arbana-na