7arrir 3aqlak - حرر عقلك
zeyne - زين
Download "7arrir 3aqlak - حرر عقلك"
7arrir 3aqlak - حرر عقلك Annotated
حبيبي، قالولي إنهم كانوا ينقوا عليك ع قصة التوب اللي لابسه
كان يقولولك إنه زمن التوب عدى ودخلنا عصر البدلات
كانوا يحكولك إنه الناس رح تضحك علينا وبدنا تفوت معنا ع الحضارة
وردك عليهم "قلتلهم لو بشيله بشيل جلدي"
حبيبي، بتذكر لما كنت تحكيلي عن أيام زمان وكيف كانت الناس تعيش
نفسي أفهم، إنت كنت بتحكيلي عن زمان أو عن بكرة؟
عن الأسلوب أو المسلوب؟
وضحت، الحضارة اللي كانوا بيعزموك عليها شوف شو سوت بالدنيا
ناطحات سحاب بتدق ع بواب السما
ونستنا الأرض اللي تحتينا
كيف وصلنا من عندك لهون؟
حبيبي، بشوف تاريخنا بعيونك
والله يعينك على حملك
بعرف إنه ولا أصعب من قراراتك
وبعرف إنك حملت وزن مستقبلنا وماضينا ع كتافك
وبقدّر إنه المنطق بقول "لو بياخدوا بلادك ما بياخدوا ولادك"
بس حبيبي، ليش كنت تقلي "خليها بالقلب بتجرح ولا تطلع لبرة وتفضح"
حبيبي بالقلب بتقتل
بعدين ع أي أساس حكينا إنه لو طلعت ما رح تبني أساس جديد
ع أي أساس حكينا إنه ماضينا ما بيكبر معنا وما بيحمل الحمل وبزيد
ع أي أساس حكينا إني لازم أغير شكلي وصوتي ولغتي وأهلي لأنضم لبكرة
ع أي أساس حكينا إنه الحقيقة اللي بشوفها بعيونك ما بتخلق حضارة
نحن الحضارة
حبيبي، تاريخك مستقبلي
وما بشيل التوب قبل ما يشيلولي جلدي
سجل، أنا عربية وبعرف أصلي
7arrir 3aqlak - حرر عقلك Q&A
Who wrote 7arrir 3aqlak - حرر عقلك's ?
7arrir 3aqlak - حرر عقلك was written by zeyne - زين & Nasir AlBashir - ناصر البشير.
Who produced 7arrir 3aqlak - حرر عقلك's ?
7arrir 3aqlak - حرر عقلك was produced by zeyne - زين & Nasir AlBashir - ناصر البشير.
When did zeyne - زين release 7arrir 3aqlak - حرر عقلك?
zeyne - زين released 7arrir 3aqlak - حرر عقلك on Fri Nov 22 2024.