3azra2eel - عزرائيل

[المقدمة]
بالإكتئاب مرتبط زي الموضة وسعر الشيء
هلاوس الفشل في دماغي فنانة بتبدع بليل
كل ما بقف على رجلي، تقولي في ودني بتعند ليه
إنت بجد قاعد كل دا في الأوضة بتعمل إيه
طب بص دندن بس يا ريت من غير دبدبة
مافيش سرير، إقنعنا ليه مرتبة
مش كتير، إشمعنا البيت مكتبك
إعلان جديد، كدا تبيعنا، فين مبدأك
مش إنت يوسف ألطاي؟ عاشق الأسامي
برافو على المجهود بجد وعاشت الأغاني
مش هكذب عليه، فقمت رادد لأ مش هو
خلص كل إللي كان جوة، مش فاضل غير عبوة

[المقطع]
الوقت للأسف بقى غير مناسب
إللي فات إتدفن وما حضرتش المراسم
آسف، إسمي بقى مازن
لازم أمشي نازل، بتغير مواسم
ما تقارنش البط بالطور، دا قطم بالدور
بوستاتك ما بتتقريش، خط دكتور
الصراحة إتحجرت، بقت كهرمان
الجراحة فتحت مخي، لقت أهرامات
دا علف على فكرة من عندي
تراكاتك زي المياه، في المِجرا بتعدي
نابي زفر، يفوت في الحيط لما الباب يتقفل
لو ما كنتش إتولدت، كان في مصر الراب يتدفن
مالك يا بوذا
من إمتى بتلبس شوزك
والأهم من دا بتعمل إيه في إعلان كازوزا
سبوبة، فاكر نفسه في كوبا
أكذوبة، دي ركوبة
مش محتاج الزق، أنا مش زوبة
!ملعوبة
إرتاحت؟ إطلاقاً
قمت أنا ضاحك نفاقاً
دخلت في الموضوع وقمت ساحب الطاقة
بحط سبوت عليهم كإني شاحن الباقة
منصور والكار جزيرته
بتاخدوا بالدولار في الهيلتون
من دخلة أول بار سكرتوا
بسقي النار سبيرتو
كل رابر فاشل فيكو عنده التيمبو الخاص بيه
إنتو رخاص فري، دا مجال هتبقوا إقفاص فيه
جيبوا إللي في بطنكو، نفسكو تبقوا حامل مني في بيف
MC's حاقن البيبي في عِرق سحابة الـ
عندك حيطة لدماغك وعندك حاجب تنتف فيه
أنا السجان، بقفل الباب أما أبقى حابب، متفقين؟
من دمك مش بشرب ذوقياً
لو نازل خفيف، أقرالك النشرة الجوية
فخلاص مش درسي، ترجم البارات بالفارسي
في الطلاسم ترزي، في خيمته ناصب نفسي
موظف تحت الصفر، يا ما باجيش، يا على العصر أغيب
تعيش إنت، القلب ميت، بيب بيب عزرائيل
دا خاف دا جلا، مشغول في إيه بخلاف مجالنا
الراب دا جاب أجلنا بشكل ما تتصورش، غلاف مجلة
شهير بإسم مازن، عندليب شمال الدقي
حابين رزالة بُقي، جيت في بالِك نُقي
مش عارف ليه بصراحة، دايماً على إتنين صباحاً
ببقى شخص ما بيعرفش يتكلم من غير وقاحة
هقولكو السر، على ما أحط السرج على ضهركو
ستيل على بطنكو، سايبه يسيح من الغل على ما أفركه
بكتب إعلانات، ببيع بطاس وسم فران
عادي ما شركة ريد بتكسب من تكاثر الدبان
ما بتحطش وسطهم، أكيد مافيش ديناميت في المول
إسمي إنفجر، دا قذف بحجة إني أجيب من البيت بترول
إشتغلت إنت في غيابي، أكيد وجودي ساطل
راكب قدام
أنا كاتم صوت، سكوتي قاتل
دي الصدمات التابعة، ناقص لدعة ونبقى من العظماء السبعة
البقاء إستدعى إن أقوم قاذف أبعد
الفرخة باضت؟ جدعة، إيش جاب البيض للفرخة بكشك
طوبة تروح من سطوح لسطوح وتقوم شارخة الدش، تش
خلاص شايل أنا الباقي، هيلمة تلاقي
إسمي ضرب، يا ترى هل ترى أين أشلائي؟
طفل فسلة صفر تفة، إنت بأف في الروضة
بتجيلي بقفل الراوتر، شطبت السقف تتفوتر
وإبقوا بس إفتكروا كويس إن إنتو اللي جبرتوه
خد وصلك، أصلاً إنت وصلت بواسطة يا أسطى ودا باركور
برضك ابن ناس، بلتصق في اللاب
إشمعنا سمعنا فترة غطرسة كلاب، أطلس البلاد
بقيت رمضان، بيبي إشترت فانوس
بالكوخة ببخل، إنت مخك أتخن من الملك فاروق
أنا قرصان، فرجت الطقم نطة القبطان
خلصان، قبعته بين القطر والقضبان
شبطان، عندك باندا في غانا
عاملة تندة في غابة
عبلة كات كذابة
عامةً بتغابى على مَتَن دبابة
موتور الرالي، سيمفوني أوركسترالي
براب عشان أمك مش فاضيالي