3alla Gosety - على جثتي

[عينة]
كله يسيب اللي في إيده ويركز معايا

[علاء فيفتي]
إيه ده إيه ده إيه ده
إيه ده إيه ده إيه ده ده
معلش إحنا بنتكلم
معلش إحنا بنتكلم
ونمسي كمان ونصبح

[عينة]
لقد أهديتوموني حبكم
وأحببت فيكم العمل
الإخلاص لأ، الحب لأ
الضمير لأ، الإنجاز
(كله في الجاز)

[علاء فيفتي]
هاهاها هأو
سامع كلام في الجو
هاهاها هأو
سامع كلام في الجو

[إم سي أمين]
كلام كتير بقينا بنسمعوا
قبل أما نصدقوا بترجعوا
بتقول عمل إخلاص إنجاز ضمير
كل ده كلام أوهام أحلام بطير

[سادات العالمي]
إنت خنقتنا، طهقتنا، زهقتنا
كل حاجة لأ، ما ترح عننا

[علاء فيفتي]
وأنا نفسي يا صاحبي أتجوز طب بس المهر غالي
أقوله القبض الشهري يقولي سيبني في حالي

[عينة]
أنا بحيي كل واحد فيكوا فشل
أنا وإنتوا فشل، أنا وإنتوا

[إم سي أمين]
هتقولي واحد أنا وإنت وإنتوا
ده كلام قديم أوي كتير سمعته
وزهقت منه ومن تحكماتك
لازم تغير أسلوب حياتك

[عينة]
إعترض هنفخك
إعترض هعلقك
فأنا أرحب بالتعريض
فكلنا معرضين

[علاء فيفتي]
أنا فايق ما بخرفش
تعرف ولا ما تعرفش
أنا فايق ما بخرفش
تعرف ولا ما تعرفش

[سادات العالمي]
الدنيا زحمة فرم
بلطيم هناك في شرم
هو أنا إيه اللي بقوله
هو أنا إيه اللي جرالي
هو في إيه وأنا مالي
أديك أبسط أمارة
جاية غلينا بخسارة
أديك أبسط أمارة
جاية غلينا بخسارة

[عينة]
وكان هذا كله بسبب الإدارة
الإدارة عندي فيها لأخفيها
فيها لأخفيها

[إم سي أمين]
ده بيوعد ما بيوفيش
وبياخد ما بيديش
لو فيه هيقولي مافيش
(قولي إزاي نعرف نعيش)

[عينة]
أنا كومودينو أيوة
وإنتوا درف أيوة

[سادات العالمي]
إيه ده إيه ده إيه ده
إيه ده إيه ده إيه ده ده
معلش إحنا بنتبهدل
معلش إحنا بنتبهدل
من الحل اللي بيتبدل

[علاء فيفتي]
يا صباح التهيس
الجمعة نسيت خميس
يا صباح التهيس
الجمعة نسيت خميس
والحد جوز الإتنين
طب التلات راح فين
طب التلات راح فين
إفرحوا يا حبايب
مولد وصاحبه غايب
إفرحوا يا حبايب
مولد وصاحبه غايب

[عينة]
مع إنه إيه؟
مع إنها إيه؟
مع إنهم إيه؟
مع إني إيه؟
المهم نقول إيه
أنا فاهم وإنتوا مش فاهمين
وهو ده الصح
أشكركم، أشكركم
بس كده