‎3Akareb - عقارب

[المقدمة]
دي عقارب عايزة رجلي، ومابيهدوش

[المقطع الأول]
أنا في سباق مع الوقت إللي جري
في دوامتين، دي للحب دي للجنيه
مابقيتش أحسبها وبجاري في سكتي
ماحدش عارف بكره إللي مخبيه إيه
ماحدش شالنا أما كعوبنا إللي داروا
ماحدش جبا على جيوبنا بإيراده
أخويا بايع القضية وباع أحرازه
حارتي المولد وزحمة العيدين

[المقطع الثاني]
توهنا، عشان العيشة زي التهمة
بابا أنا إللي في إيدي في إيدك كلها لقمة
في الحالتين فـ نرضى بيها، بتقضى
دي الحقيقة
بابا دي الكارما، تعمله يدور وهيفضلك
كلها بتموت ميت مرة
دماغي تروح في مطارده
بميت طلقة
ناس بتحوم حواليا وبنفضها
بصتلي عيون تعابين وبان غرضها
الشارع شد ضهري وربى صخرة
عيوني شبعانة في بيتنا ومربربه
وماتشكيلناش من همك يا جارحها
الدنيا عايزه فرده يكون قارحها
العالي إداني أهلي وستر وصحه
أنا ما أكبرهاش ع إللي في شارعنا

[اللازمة]
دي عقارب عايزة رجلي
دي عقارب عايزة رجلي
دي عقارب عايزة رجلي، ومابيهدوش
دي عقارب عايزة رجلي
دي عقارب عايزة رجلي
أمي خايفة الصخرة يرخي ويشدوه

[المقطع الثاني]
يا باشا في حارتي كذا لون ده صرّيف ده كفران كذا نظام
في إللي مقطع ع الرصيف وفيها نضاف
الكفن مالوش جيوب يابا وأخرتنا تراب
أشم كف إيدي أشبع، قنوع ومش بطران
والرزق ع الله
مامشيتش بطال
حبه بنسب ونخيب والجمعة بنوزع أذكار
زمان كانت الشدة تلم ولاد الحتة الأبطال
دلوقتي البوكس يلم ولاد الحتة بأحراز
فـ خلاص قسيت مالعيشة
وتشكي لمين
أتولد في بوقي معالق دهب أكبر ع الحديدة
على قد لحافك مد رجلك، إمسك إيدك
وحدود التقدير على قد ناسك إللي تشيلك

[جسر]
ولو مامعاكوش ماتلزمكوش
إللي عضوا إيدي مايتأمنوش
ياما هنزيد وياما هنشوف
وياما هيجيلي مزيفيين

[اللازمة]
دي عقارب عايزة رجلي
دي عقارب عايزة رجلي
دي عقارب عايزة رجلي، ومابيهدوش
دي عقارب عايزة رجلي
دي عقارب عايزة رجلي
أمي خايفة الصخرة يرخي ويشدوه