2olly Leh - قولّي ليه

[المقطع الأول: تومي]
وكان مفروض تكون موجود في أيامي
ده وقتي يفوت، سايبني أموت وأنا لحالي
ومين غيرك؟ ما فيش غيرك يشوف مالي
لقيتني كتير على ناس كتير عشان غالي

[المقطع الثاني: حودة]
أنا الكسبان مش الندمان، روح إنساني
ما لَكش مكان وعدّى أوان، ما فيش تاني
غرورك بان، فتحت بيبان لأحزاني
راجع عشمان، عامل ندمان ليه يا أناني؟

‫[اللازمة: تومي وحودة]
قولّي ليه؟ تسيبني ليه؟
قولّي إيه؟ إستفادت إيه؟
كسرت قلبي وبان عليه
إنه بالنار إتكوى
قولّي ليه؟ تجرحني ليه؟
قولّي إيه؟ هتداوي إيه؟
هان عليك تبكي عيني
يا حبيبي، فوق بقى

[المقطع الثالث: حودة]
مش الجديد، أنا القديم بتاع زمان
ما ترجعيش، ما تشتكيش، فات الأوان
خلاص هعيش، ما يهمنيش، كان اللي كان
إنتي في حياتي نقطة سودا ولا أمان

[المقطع الرابع: تومي]
أنا الفكرة اللي مش هتشيلها من بالك
أنا الذكرى اللي مش هتموت وقاعدالك
أنا القديم، هفكرك وهعيدهالك
آديك مشيت وآديني لسه بسألك

‫[اللازمة: حودة وتومي]
قولّي ليه؟ تسيبني ليه؟
قولّي إيه؟ إستفادت إيه؟
كسرت قلبي وبان عليه
إنه بالنار إتكوى
قولّي ليه؟ تجرحني ليه؟
قولّي إيه؟ هتداوي إيه؟
هان عليك تبكي عيني
يا حبيبي، فوق بقى

[الخاتمة: حودة]
قولّي ليه؟
إستفادت إيه؟
آه، آه