2oli Zai Ma T2oli - قولي زي ما تقولي

[اللازمة]
وما لقيتش الحل
وما نمتش فجر
بطولي، ما كلمتش حد
قولي زي ما تقولي ما فرقش
هترجعي تقولي إن أنا ده
وما دامتش لحد
وما كانتش بجد
أنا فضولي اللي وقعني في الفخ
بمجهودي ده ولله الحمد

[المقطع الأول]
ما كانتش ما كاتش
ما أخافش ما أخافش
دنيا ألعبها أنا واحدة بواحدة
لسه شايفها أنا سحلة في سحلة
علينا ياما الوقت سرقها
من قبل ما حتى
أعيشه عايز أعيده ع المخدة
والڤيچو والحبة
إنت الله يراضيك وهنفوق
كسرت العارضة على دماغ الحارس
كأن النهاردة يا أسطى واحد مارس
أنا على الله وكلامي ثابت
دي لو مطاردة أنا في مكاني ثابت
لسه هعيش أحلامي ولا ماتت؟
ولا باقي كل حاجة لاشت
عملت الإستحالة لكن السحابة قامت
والمطر نزل على دماغك دابت
وأنا على الآخر من إمبارح
طول ما أنا ساكت ده مش سالك
شوفي علاماتك قدامك
وخليكي في حالك علشانك
بس أنا ولا فارق، ولا فارق
طلع ده منها وأنا مش فاهم
مش دايمًا في الطالع والنازل
أنا ملاكك وشيطانك في دماغك
وأنا ولا فارق، ولا فارق
لا ما جاش على بالي إننا نتعامل
صدقيني كل ده مش علشانك
وأنا مش سامع
دماغي بتودي تجيبني مسارح
وأنا فيها سارح
ما لحقتش حتى أفهم مالك

[اللازمة]
وما نمتش فجر
بطولي، ما كلمتش حد
قولي زي ما تقولي ما فرقش
هترجعي تقولي إن أنا ده
وما دامتش لحد
وما كانتش بجد
أنا فضولي اللي وقعني في الفخ
بمجهودي ده ولله الحمد

[المقطع الثاني]
في ناس ما عاشتش الوهم
جالها الحب، ما إتصابتش بسهم
تقدير بس للي بيعزها
غير كده باين في وشها
وده حقيقي مش شك
ما بحسبهاش يا صديقي بالشكل
ولو طريقي بالعكس
اللعبة ما بوقفش

[اللازمة]
وما نمتش فجر
ما دامتش بجد
ما إستنتش الوقت
وما لقيتش ولا حد
بطولي، ما كلمتش حد
قولي زي ما تقولي ما فرقش
هترجعي تقولي إن أنا ده
هترجعي، هترجعي
قولي زي ما تقولي ما
قولي زي ما تقولي ما فرقش