(2 һынау) Теләк һәм маҡсат ((2 round) Desire and Aim)

[1-се бүлек]

[Скрэтчтар: PURIPR@P]
A-ma-Aman!
PURIPR@P!
Produ-produc-produ-production!

[Куплет]
Бына нисәме инде ваҡыт ҡаранғылыҡтан сыға алманым
Уйҙар яй ғына килгән ине, һәм шулай уҡ дауамы
Хәҙер барыһы яҡшы, тимәк, теләгем яҙырға бар
Яҙам, сығарам, көтәм, нимә булыр артабан
Ҡояшҡа ҡарап йылмайыу шатлыҡ бирә
Кәйефте күтәрә, быныһы булмаһын һирәк
Рэп ярҙам итә барырға дөрөҫ юлда
Ул минең ҡанымда, шик артта ҡалды шуға
Ҡарарбыҙ, кем ошо алышты үтер икән
Миңә барыбер, кем текә, мин бит шундай түгелмен
"Өҫкә менергә еңелме?" - тигән һорау тыуа
Яуабын әле белмәйем, ләкин мин һынмам
Хип-хап минең көсөм булып ҡала
"Нимәгә бында килдең?"
Башҡортса рэптың кимәлен күтәрер өсөн инде
Бер ни ҙә кәрәкмәй алтын миҙалдан башҡа
Минең теләк һәм маҡсат ашһын тормошҡа

[Ҡушымта]
Башҡортса рэпҡа кәрәк килтерергә сифат
Быныһы - минең теләк һәм маҡсат!
Һәр кемдең башын һелкетһен минең хип-хап
(Минең хип-хап!)
Быныһы - минең теләк һәм маҡсат!
(Теләк һәм маҡсат!)
Башҡортса рэпҡа кәрәк килтерергә сифат
Быныһы - минең теләк һәм маҡсат!
Донъя исемемде хәтерҙә ҡалдырһын, миңә ҡарап!
Шуныһы ла инде теләк һәм маҡсат!

[2-се бүлек]

[Куплет]
Алыш башланды, ул буласаҡ ҡыйын
Эйе, беҙ билдәһеҙ, ләкин беренсе йыл уҡыйың
Ә мин - юҡ. Рифмаларым күбәйә
Мә, тот! Был һинең тураһында хикәйә
Ниһайәт, эләктең, сөнки әйтер һүҙҙәрем бар
Һинең рэпҡа оҫталыҡ етмәй, сифаты насар
Ләкин оҫтаһың һин (тик) бында тик торорға
Фотоһүрәттәреңдә оҡшағанһың Оксимиронға
Һиңә шундай кәңәш (Ниндәй?) - уҡыуыңда күнек
Юғиһә, һиңә булыр ябыҡ һәр раундҡа һәр ишек
Ә, һин бит ҡатнашыуҙан ялҡтың, шуныһы күренә
Һиңә был алыш килешмәй, бар, ҡайт әсәйеңә!

[Ҡушымта]
Мин рэп уҡыусы, һин рэпта уҡыусы
Һиңә бында килергә кәрәкмәй ине, ысын!
Маҡсатың бит юҡ, беләңме, бер ниндәй ҙә
Шуның өсөн, дуҫҡай, теләгеңде үҙгәрт әйҙә!
Мин рэп уҡыусы, һин рэпта уҡыусы
Һиңә бында килергә кәрәкмәй ине, ысын!
Маҡсатың бит юҡ, беләңме, бер ниндәй ҙә
Шуның өсөн, дуҫҡай, теләгеңде үҙгәрт әйҙә!