12 De2i2a - ١٢ دقيقة

[اللازمة]
عزيزي الإنسان
نفسي أموّت الناموسة اللي مش بتخليك تنام
عزيزي الإنسان

[المقطع الأول]
كلامهم عنك غلط، مش لأن كذابين
مش فاهمين، أصل اللي زيك عن جيلهم متقدمين
مش فاهمين إن اللي زيك من تفكيرهم متعذبين
كنت سايق في الضلمة، لقيتك بتتمشى على اليمين
ركبت جنبي دي أيام زمان، أنا وإنت على الطريق
بالصدفة في اليوم ده كنت قاعد بفكر فيك
كنت في منطقتك، حاسس إني هشوفك
الدنيا خلتنا نتقابل وسط جهنم
جهنم ليك، جنة جديدة ليا
اللي مخليك تتعذب فيها إنها في يوم كانت جنة ليك
بُصلي، ولائي ليك، لازم تتأكد
موبايلي رن تاني، هقفله، مش عايز آتشتت
بمناسبة الكلمة اللي قلتهالي أول أما ركبت
إعرف إن إستحالة إني أخونك، إنت اخويا
بقالي فترة عايز أعاتبك، شفتك وإفتكرت
عمري ما هتضايق منك عشان عمرك ما قصرت

[اللازمة]
عزيزي الإنسان
نفسي أموّت الناموسة اللي مش بتخليك تنام
عزيزي الإنسان

[المقطع الثاني]
‫سألتك إيه الأخبار؟ قلتلي "مش تمام خالص"
فترة الاكتئاب طوّلت، راحت راحة البال طارت
في آخر فترة قلّ الكلام بينا
ولأسباب تافهة كنت زعلان منك
كلام سريع قبل ما نوصل مكان ما إنت رايح
بتوصفلي الطريق وفي نفس الوقت بتديني في نصايح
كإنك بتقول إتعود على وجودي قليل
كإنك بتقول فيه شيء هيتغير قريب
طب مدخل دماغك فين؟
دايمًا بتخلي الكلام عليّا ومش عليك
صاحبنا التالت خايف عليك أكتر مني
ولو حصل لك حاجة هيتجنن
حاجة حسيتها من غير ما يتكلم
يمكن قليل الناس اللي بيفهموك بجد
وبالأغنية دي مش بحاول أقول لك إني منهم
كل اللي حصل إني شفتك وإفتكرت
إني مش متضايق منك، عشان عمرك ما قصرت

[اللازمة]
عزيزي الإنسان
نفسي أموّت الناموسة اللي مش بتخليك تنام
عزيزي الإنسان

[المقطع الثالث]
ليلة غريبة، حبينا نقف ما لقيتش الركنة
عربيات يمين وشمال مدية إنطباع الزحمة
في نص الجملة لاقيتك نزلت فجأة
إتفرجت عليك وإنت داخل المبنى
وقلت لنفسي يا رب تلاقي اللي إنت محتاجه عشان تكمل
من كام شهر سألتك ليه دماغي ساعات بتنمل
فاكر ردك، واثق في الإجابة
قلت دماغك لو منملة حاليًا ده إحتياجك
كانوا حوالي إتناشر دقيقة
لما صادفتك في جهنم
ما عرفتش أعبرلك ع اللي داير في دماغي
يمكن أفكاري توصل لو إتقالت في أغاني
جمايلك عليا إستحالة الدنيا تنسّيهالي
إحساسي عنك كان صح ودي الخبرة بتأكدهالي
كنت ناسي ولما شفتك إفتكرت

[الخاتمة]
عزيزي الإنسان
دي الناموسة اللي مش
مش عايز أطول لك
مش عايز أطول
عزيزي الإنسان
نفسي أموّت الناموسة اللي مش بتخليك تنام