1

[Verse 1: Leduc]
U ni reisen ab
Himu rysst uf
Wi trochni Lippe
Ihri chly ruuch
Und i möcht se netze
Se verschlimmbessere
Doch ig im grosse Flugi und si chlyni im Buch
Öbbis ligt i der Luft
Si das scho Wouche?
Oder gsehni si no rouche?
Di Zigi wo si vorem Tschousäge no het kouft
Oder bewacht äch, e fürspöiende Drache
Di Tor vo däm Luftschloss wo mer nie hei ghout?
Lu mau wi mer flügen u flügen u ey
Ey lu mau

[Chorus: Büne Huber]
Aues wird eis
U dräit sech im Kreis
U löst sech wider uf u flügt dervo u landet irgendwo genauso wis isch cho
Aues wird eis
U dräit sech im Kreis
U was gross isch gsy wird chly
Mir gö verloren u verbi
Mir gö verloren u verbi

[Verse 2: Lo]
U ni reisen ab
Himu rysst uf
Wi morgeroti Ouge
Tou louft ere ids Muu
Si verlürt der Bode
Luftlöcher im Buch
Mit mir chönnt si sechs vorsteuen, i steue nur d Uhr
D Zyt vergeit wi im Flug, i gse di Narbe
Di Ribery-Aupe, i rybe mini Backe a däm Zytfänschterplatz
Wouche wi Watte wärfen e Lidschatten aben uf ihres Gsicht u si schminkt sechs ab wüu
Lu mau wi mer flügen u flügen u ey
Ey lu mau

[Chorus: Büne Huber]
Aues wird eis
U dräit sech im Kreis
U löst sech wider uf u flügt dervo u landet irgendwo genauso wis isch cho
Aues wird eis
U dräit sech im Kreis
U was gross isch gsy wird chly
Mir gö verloren u verbi
Mir gö verloren u verbi

[Verse 3: Lo & Leduc]
U ni wirde chly ne Gof, Jimmy Knopf
Si schynt gross weni wäg ga
Doch si isch ke Lüchtturm
Cha mer nid der Wäg wyse
Cha mi oh nid wäggwyse
Wüu i mi nid ghäbt ha
Usser a der Täsche süsch ha ni nüt i de Häng gha
U die ha ni oh ufgäh wo
Ni si ha ufgäh u
Wirde zu däm Punkt wo mer zäme nid wäre härecho

Chumi wider zum ne Punkt
Wider zu däm Punkt wo mer zäme nid wäre härecho
Wider zu däm Punkt wo mer zäme nid wäre härecho

[Chorus: Büne Huber]
U aues wird eis
U dräit sech im Kreis
U löst sech wider uf u flügt dervo u landet irgendwo genauso wis isch cho
U aues wird eis
U dräit sech im Kreis
U was gross isch gsy wird chly
Mir gö verloren u verbi
Mir gö verloren u verbi