Ich ben ne Räuber

[Songtext zu „Ich ben ne Räuber“]

[Strophe 1]
Ich trof e Leckerche, ich jläuv, dat stund op mich
Et sproch mich aan: „Drinks do met mir e Bier?“
Ich saach: „Leev Mädche, ich muss dich warne
Loss de Finger weg vun mir“

[Refrain]
Ich ben ene Räuber, leev Marielche
Ben ne Räuber durch un durch
Ich kann nit treu sin, läv en d'r Daach rin
Ich ben ne Räuber, maach mer kein Sorch
La-la, la-la, la, la-la-la-la-la

[Strophe 2]
Ich dun jään kaate bes fröh am Morje
Verspille off, wat ich nit han
Bloß eins behalt ich, dat es ming Freiheit
Die nimmp mer keiner, sulang ich mich wehre kann

[Refrain]
Ich ben ene Räuber, leev Marielche
Ben ne Räuber durch un durch
Ich kann nit treu sin, läv en d'r Daach rin
Ich ben ne Räuber, maach mer kein Sorch
La-la, la-la, la, la-la-la-la-la

[Strophe 3]
Ich mein et hück ehrlich, wenn ich saach: „Ich maach dich“
Doch bahl allt kann dat janz anders sin
Se dät bloß laache un saat: „Dat määt nix
Morje weede mer wigger sinn“
Am nächste Morje, ich hatt kaum de Aure op
Sat mi Hätz: „Jong, dich hät et erwischt“
He, Mariellche, ich han dich wirklich jään
Do soh ich ne Zeddel om Köchedesch

[Refrain]
Ich ben och ene Räuber, leeve Pitter
Ben ne Räuber durch un durch
Ich kann nit treu sin, läv en d'r Daach rin
Ich ben ne Räuber, maach mer kein Sorch
Ich ben och ene Räuber, leeve Pitter
Ben ne Räuber durch un durch
Ich kann nit treu sin, läv en d'r Daach rin
Ich be ne Räuber, maach mer kein Sorch
La-la, la-la, la, la-la-la-la-la