Mala Femmena

Si avisse fatto a n'ato
Cchello ch'hê fatto a me
St'ommo t'avesse acciso
E vuó' sapé pecché?

Pecché 'ncopp'a 'sta terra
Femmene comm'a te
Nun ce hann''a stá pe' n'ommo
Onesto comm'a me

Femmena
Tu si' na malafemmena
A st'uocchie hê fatto chiagnere
Lacreme 'e 'nfamitá

Femmena
Tu si' peggio 'e na vipera
Mm'hê 'ntussecato ll'ánema
Nun pòzzo cchiù campá

Femmena
Si' doce comm''o zzuccaro
Peró 'sta faccia d'angelo
Te serve pe' 'nganná

Femmena
Tu si' 'a cchiù bella femmena
Te voglio bene e t'odio
Nun te pòzzo scurdá

Femmena
Si' doce comm''o zzuccaro
Peró 'sta faccia d'angelo
Te serve pe' 'nganná

Femmena
Tu si' 'a cchiù bella femmena
Te voglio bene e t'odio
Nun te pòzzo scurdá

Femmena
Femmena