Badmantu

[Verse 1]
Es isch Nacht, stiu, chaut, är steit uf der Strass
Und der Dampf stygt us sim Haar u sim Badmantu
Är chunnt grad usem Bad und luegt gradus id Färni vore Strasselatärne
Sini Sinn sy scharf
Si isch irgendwo da und zieht ne aa
Ghört es Lache, der Stimm mueser fouge
Är biegt ume Block und erkennt sini Frou
Si bewegt sech im eigete Takt
Aus wär si nümme ganz bi Verstand
Ä Rägetanz gäge d Truur, gäge d Angscht
Är luegtere zue u steit nur näbedrann

[Refrain]
Und si dräjit wine Irri
I ihrem wysse Badmantu
Aber di Strass das isch ihri
Eis Schrittli zrügg und eis nach vor
Und si tanzt am ne Ziischti
Ghüut im Liecht vor Latärne
Rysst aues mit, si nimmt sech die Strasse zrügg
Und si dräjit wie ne Derwisch
Ghüut im Näbu vor Nacht
Si git e Figg, si nimmt sech die Strasse zrügg
Si tanzt

[Verse 2]
U währenddäm si da düredräjit
Was söuer mache, rüefter itz d Ambulanz?
So elegant wi si itz umewäjit
Är zuckt mit de Schouteren u faht mit afah tanze
Und dehei heter d Duschi nid abgsteut
Dampf vernäblet scho d Wäng
Ds aute Foti wo me se näbenand gseht
Är hets geng no jede Tag i de Häng
Und itz tanzter mit ihre
Aus wär aus no wi denn
U si sy wider vereint u niemer u niemer u nüt cha se trenne

[Refrain]
Und si dräjit wine Irri
I ihrem wysse Badmantu
Und di Strass das isch ihri
Eis Schrittli zrügg und eis nach vor
Und si tanzt am ne Ziischti
Ghüut im Liecht vor Latärne
Rysst aues mit, si nimmt sech die Strasse zrügg
Und si dräjit wie ne Derwisch
Ghüut im Näbu vor Nacht
Si git e Figg, si nimmt sech die Strasse zrügg
Si tanzt

[Bridge]
Nümm ids Huus hei fingsch
Bisch zu frei für d Sorg
Chumm pfuus eifach
Vergiss mi jetz und lueg nach vor
Bi scho lang nümm da
Bisch zu lang elei
La mi ändlech ga
Vergiss mi jetz und lueg nach vor

[Refrain]
Und är tanzt am ne Ziischti
Ghüut im Liecht vor Latärne
Rysst aues mit, är nimmt sech die Strasse zrügg
Und är tanzt, und är dräjit wie ne Derwisch
Ghüut im Näbu vor Nacht
Är git e Figg, är nimmt sech die Strasse zrügg
Är tanzt