Meisterstück Colonia

[Songtext zu „Meisterstück Colonia“]

[Strophe 1]
Dä Herrjott daach sich irjendwann
„Ich bruch ne neue Masterplan
Wat ich do ungen sinn, Mensch, dat jefällt mer nit“
Dröm saat er sich: „Ich ben et satt
Ich bau jetz die perfekte Stadt“
Met Jold, dat köhl un flüssich us däm Zappes kütt
Dat Zeuch hät hä dann selvs probeet
Un dovun zo vill schnabuleet
Am nächste Daach soh hä dat Resultat
Zo dichth ät hä zo dicht jebaut
Jrau in Jrau, total versaut
Hä fass sich an d'r Kopp: „Wat han ich do jemaat?“

[Refrain]
„Saach ens, dräum ich?“, hät dä Herrjott jesaat
„Dräum ich? Han ich dat wirklich jemaat?“
„Saach ens, dräum ich?“ Doch dann wood ihm klor
Si Meisterstück es un bliev
Colonia, ah-ah, ahh
Colonia, ah-ah, ahh
Colonia, ah-ah, ahh
Si Meisterstück es un bliev Colonia

[Strophe 2]
Noch leich benеbelt, aanjeschosse
Hät da Hеrrjott dann beschlosse
Hä määt die allerjeilste Minsche weit un breit
Met Toleranz un Sexappeal
Heiterkeit un vill Jeföhl
Un ner kleinen Prise Selbstbesoffenheit
Jo, ming Sproch, die sullt ehr spreche
Op däm Stück Äädoberfläche
Denn mir wunne jetz he Dür an Dür
Ming Bud steiht meddendren
Damet ich immer bei üch ben
Un af un zo met üch dat flüssich Jold probier

[Refrain]
„Saach ens, dräum ich?“, hät dä Herrjott jesaat
„Dräum ich? Han ich dat wirklich jemaat?“
„Saach ens, dräum ich?“ Doch dann wood ihm klor
Si Meisterstück es un bliev
Colonia, ah-ah, ahh
Colonia, ah-ah, ahh
Colonia, ah-ah, ahh
Si Meisterstück es un bliev
Colonia, ah-ah, ahh
Colonia, ah-ah, ahh
Colonia, ah-ah, ahh
Si Meisterstück es un bliev

[Bridge]
Nit jrad die schönste Stadt dä Welt
Doch se hät dat, wat wirklich zällt
Jläuv et, et is wohr

[Outro]
Si Meisterstück es un bliev
Colonia, ah-ah, ahh
Colonia, ah-ah, ahh
Colonia, ah-ah, ahh
Si Meisterstück es un bliev Colonia