Lazzarella

[Testo di "Lazzarella"]

[Strofa 1]
Cu 'e libbre sott'ô vraccio
E 'a camicetta a fiore blu
Vuó fá 'a signurenella
'Nnanz'â scola pure tu
Te piglie 'a sigaretta
Quann'e 'accatte pe' papà
Te miette già 'o rrussetto
Comme vide 'e fá a mammá
Lazzarè

[Ritornello 1]
Ma Lazzarella, comme sî?
A me mme piace sempe 'e cchiù
E vengo apposta pe t' 'o ddí
Vicino â scola d' 'o Gesù
Tu invece mme rispunne: "Eggiá
Io devo retta proprio a te
Pe' me ll'ammore po' aspettá
Che n'aggi' 'a fá? Nun fa pe me"

[Bridge 1]
Ah, Lazzarella
Ventata 'e primmavera
Quanno passe tutt' 'e mmatine
Già te spiecchie dint'ê vvetrine
Sulo 'nu cumplimento te fa avvampá

[Ritornello 2]
Ma Lazzarella, comme sî?
Tu nun mme pienze proprio a me
E ride pe mm' 'o ffá capí
Ca perdo 'o tiempo appriess'a te

[Strofa 2]
Mo' vène 'nu studente
'Nnanz'â scola d' 'o Gesù
Te va sempe cchiù stretta
'A camicetta a fiore blu
Te piglie quatto schiaffe
Tutt' 'e vvote ca papá
Te trova 'nu biglietto
Ca te scrive chillu llà
Lazzarè

[Ritornello 3]
E Lazzarella comme sî
Ce sî caduta pure tu
Ll'ammore nun te fa mangiá
Te fa suffrí, te fa penzá
'Na sera tu lle dice: "No"
'Na sera tu lle dice: "Ma"
Ma si 'nu vaso te vo' dá
Faje segno 'e "sí", senza parlá

[Bridge 2]
Ah, Lazzarella
'O tiempo comme vola
Mo' te truove tutt' 'e mmatine
Chino 'e lacreme 'stu cuscino
Manco 'na cumpagnella te po' aiutá

[Ritornello 4]
E chiano chiano, mo' accussí
Te sî cagnata pure tu
E te pripare a di' 'stu "Sí"
Ma dint'â Cchiesa d' 'o Gesù
E chiano chiano, mo' accussí
Te sî cagnata pure tu
E te pripare a di' 'stu "Sí"
Ma dint'â Cchiesa d' 'o Gesù