Gaada fel bled / قعدة في البلاد

توحشتك يا بلادي

[المقطع الأول : لطفي]
بالاك يغلطوك و يقولو فرونسا تقدمو
بالعكس آم يسوفريو ، كلهم لهنا قاعدين يتعذبو
قدمو ، شوفوهم من الداخل دركا تكذبو
أنايا ساعة ساعة نقول العباد هذو هبلو
ليجون تاعهم غير لامود لي راي تهمّو
معمّر بالمناقش من خشمو حتى لـ فمّو
قلبوه ستوبيد ، أونبلوس امبيسيل
بـ ستار أكاديمي و لوانا في لابيسين
البنات تاعهم يحكيو عالسوارد و بس
تالمون حكمهم الستراس ولاّو سمان بالقراس
النساء تاعهم عندهم الهبال تاع لي ريش
ما يولدوش لي بيبي ، عادو يربّيو لي كانيش
Opération, visage camouflé كل يوم
Les rayons ultraviolets برونزاج كلو كذب بـ
خطاك يخافو من الريجيم les pattes ما يا كلوش
أنا توحّشت لالجيري بالبوراك و الطاجين
توحّشت ولاد الشعب ، بلاك تقول نسيت
ولاد الشرق ، ولاد الغرب ، ولاد لونور ، ولاد لوسود
سيبافاسيل كي يعودو الحباب بعاد
مالا قولهم آ حسان شحال توحشت البلاد

[اللازمة : حسان]
توحشتك على قلبي
يا مان يما نمان

[المقطع الثاني : لطفي]
الحاجة اللولة لي صح تتوحشها
هي ليماج مع والديك فوق الطابلة قاعد تتعشى
العراسات ، الزهو ، الترتيبات Les fêtes
الأوقات ديفيسيل و العين تاعنا بكات
مام لكان في لوروب لي تيران كلهم غازون
توحشت لي ماتش تاع الكرتي فوق القودرون
كاين لي يحب يلعب حفيان Les p’tits bois, les feintes
لي في سع يولي عيّان ، لاربيتر ديما حيّال
توحشت اللعبة في الجنينة نروّح موسّخ
توحشت العيد الكبير واحد يذبح واحد يسلخ
توحشت نسمع الاذان في السماء قاعد يضرب
توحشت الريحة تاع رمضان سيرتو في وقت المغرب
توحشت ولاد الكرتي و القعدة تاع الجمعة
توحشت نهار المولد بالسينيال و معاه الشمعة
الناس متجمعة و المحارق دايرة حالة
توحشت العيد الصغير نشوف الدراري صغار فرحانة
لابسين الجديد ، كلاسيك ولاّ الجين
عاقلين ولاّ هايجين ، يجريو ولاّ يمشيو
شكون حايجيب ليامات لي عدّات؟
مالا قولهم يا حسان شحال توحشت البلاد

[اللازمة : حسان]