Vineyard Party

Now show yuh face Mr. Cat cah dem cyaan stop yu Selassie I know
Yeah, lord a mercy Cah mi seh special dedication to all farmer
Whether yu live a St. Anns or in Hannover
Cah dis is Mr. Cat de bareback rider
De style weh mi a go gi dem a go run Jamaica
An ina London or mi seh in America
An ina Canada an mi seh ina China

It name de vineyard style de vineyard style it wicked an wicked an wild
De vineyard style de vineyard style it wicked an wicked an wild

De one Pupa San wid animal party
An de one Pupa Twitch wid human party
An de one call Chaplin wid ocean party
Mi seh here come Mr. Cat wid vineyard party
Dem keepin a dance ina Tom's vineyard
De sound weh did a play was fruit high power
Selecter fi di sound de one cool cucumber
An who a DJ now ripe sweet guava
Promoter fi di dance de one sweet potato
De bartender was Irish potato
Mi seh who a hold de gate a scotch bonnet pepper
Wid him matic pon him hip an bag over him shoulder
Mi seh who dem invite now sweet sweet casaba
But him never lef him friend weh name dry ginger
Yellow yam an sweet yam a dem a dance together
Dem jack up ina de dance ina one coener
Look how bredda cane tall an mawga
An a fling sweet wine under ripe banana

De vineyard style de vineyard style it wicked an wicked an wild
De vineyard style de vineyard style it wicked an wicked an wild

Mi sight onion a wine pon tomato
An sight chocho a wine under okra
Mi seh apple get jealous an start steal de show
An fling sweet wine under Mr. mango
Peanut an cashew mi seh dem start get low
An start do de style weh name go pon yuh toe
When coco start dance de whole a dem get overthrow
An dance pon him hand an him a dance pon him toe
De style weh him a do a dem a call it limbo

De vineyard style de vineyard style it wicked an wicked an wild
De vineyard style de vineyard style it wicked an wicked an wild

Mi spot cort plum a wine under cherry
Mi spot cort plum a wine under cherry
I sight pumpkin a wine under cherry
She a run up her mouth an seh de dance nuh ready
Cah shi cyaan hear de style weh fi rock her body
It name, how watah walk go to pumpkin belly, BOW!
How watah walk go to pumpkin belly, BIM!
Who aks her dat a nuh de one nesberry
Mi look ina one corner an mi spot tamblin
Mi sight tamblin under easy skankin
An dance wid di one sexy grape from foreign
An de tune weh him a dance a de sleng teng riddim
Him lay dung pon de riddim like a tire pon a rim
Him sekkle pon de riddim like a crown pon king
Come tek it from de Cat him a de DJ king
Mi spot red peas a wine under gungu
An cabbage back two dollar an wrinkle an screw
An gi de gate man an seh guy let mi thru
An flingin sweet wine under Miss calaloo
Come tek it from de Cat for dem ya style brand new
Mi sight jackfruit a wine under breadfruit
Mi sight navelfruit a wine pon grapefruit
An, carrot a talk bout beet root a coot
BOW Achee come in ina him criss clarks boot
An jump an dance off him three piece suit
It sound kind a cute Jah Jah know it a de truth
Mi sight green lemon him a wine under lime
Sight green lemon him a wine under lime
Nutten cyaan wine like de one Mr. pine
When pine a wine him a wine pon time
Orange a talk bout a wonders an sign
Scallion a wine under de one slim thyme