50 Johr

[Songtext zu „50 Johr“]

[Intro: Alle]
Hau noch ens Öl en de Pann vun d'r Mamm
Mir wulle immer noch Rievkoche han

[Strophe 1: Mirko, Erry, Pit & Mirko]
Et Katrin es neujebore, zick et bei Tinder es
Hück lääch mer sech mem Scooter statt me'm Rollbrett op de Fress
Lange Samsdaach en d'r City es jetz de janze Woch
Dat et Wasser vun Kölle jod es, dat jläuve mer immer noch
Un en d'r Kayjass Nummero null
Do steiht en Montessori-Schull

[Refrain: Alle]
Fuffzich Johr met Musik еm Bloot
Fuffzich Johr, et deit immer noch joot
All diе Leeder, die de hück noch kenns
Die singe sujar noch de Pänz vun d'r Pänz vun d'r Pänz

[Strophe 2: Erry, Bömmel, Erry & Bömmel]
Em Bickendorfer Büdche es jetz ene Hermes-Shop
Un mer klopp sech aan der Tankstell singe Kaffee en d'r Kopp
Dat Rita drink me'm Linda, se sin ald fix un foxy
„Uns Kino un uns Stammlokal sin fott, dat schöne Roxy“
En Bud met Aussich vum Balkon
Koss dreimol mieh wie unsre Dom

[Refrain: Alle]
Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pänz vun d'r Pänz vun d'r Pänz

[Post-Refrain: Alle]
Op die fuffzich Johr, jo, jo, jo, jo
Jo, jo, jo, jo, jo
Op die fuffzich Johr, jo, jo, jo, jo
Jo, jo, jo, jo, jo

[Strophe 3: Pit, Pit & Mirko]
En de Weetschaff op d'r Eck es hück en Wettbüro
Dä Kaczmarek es Huusmeister vum Aapehuus em Zoo
Op singer joldene Huhzick danz en Birkesdörp dä Buur
Hä hürt de Bloskapell nur noch met Hürjerät em Uhr
Un ich laach me'm Meiers Kättche
Weil et zo schwer es für mi Rädche

[Refrain: Alle]
Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pänz vun d'r Pänz vun d'r Pänz
Fuffzich Johr met Musik em Bloot
Fuffzich Johr, et deit immer noch joot
All die Leeder, die de hück noch kenns
Die singe sujar noch de Pänz vun d'r Pänz vun d'r Pänz

[Post-Refrain: Alle]
Op die fuffzich Johr, jo, jo, jo, jo
Jo, jo, jo, jo, jo
Op die fuffzich Johr, jo, jo, jo, jo
Jo, jo, jo, jo, jo
Op die fuffzich Johr, jo, jo, jo, jo
Jo, jo, jo, jo, jo
Op die nächste fuffzich Johr, jo, jo, jo, jo
Op die nächste fuffzich Johr, jo, jo, jo, jo
Op die nächste fuffzich