Kan Fi Sora - كان في صورة

[المقطع الأول]
كان فيه صورة ليكي بالورد ببص عليها وأنا مخنوق
جنب الترابيزة ركنك لسه زي ما هو ما حركتوش
تالت سنة لينا مش مع بعض
سادس شهر ما نتكلمش
أنا لسه في نفس المكان بالظبط
ما بتحركش ما بتحسنش
وبدأ الفيلم

[جسر]
كنا بنقول كلام

[المقطع الثاني]
لو شارب البحر، دماغي شغالة
أترمي في الحضن، أترمي في زبالة
أنا ما بدققش، أنا عايز الحاجة
عايز أنساها، أنا في متاهة
كلم دكتور
قول للدكتور أنا مش بنسى ليه؟
قوله على الخوف
قوله على الرغبة في مغادرة الكون
والهوس بالموت وبصحى من النوم وبكرر اليوم

[جسر]
كنا بنقول كلام
كنا بنقول كلام وخلاص

[المقطع الثالث]
كان فيه صورة ليكي بالورد ببص عليها وأنا مخنوق
جنب الترابيزة ركنك لسه زي ما هو ما حركتوش
كدا تامن سنة لينا نعرف بعض
وتامن شهر ما نتكلمش
أنا لسه في نفس المكان بالظبط
ما بتحركش ما بتحسنش
وضاعت الصورة ومات الورد
وكتر البعد وقل الود
وكمل الشك وبقى مش وهم
وكتر الموج وبقى بيشد
وبطل الفيلم أهو قتل الوحش
حضن البطلة وخلص الفيلم
نزل التتر بس ما بجمعش
إن أنا الوحيد اللي لسه ما فهمش إني ما بمثلش