Zindagi Ke Safar Mein

[Intro]
Zindagi ke safar mein guzar jaate hain jo makaam
Vo phir nahin aate, vo phir nahin aate

[Verse 1]
ICU mein leti tu, main tha DU ke campus pe
Mai ro raha garaj baras, tha rooh ka rass har aansu mein
Haan jitni karlun koshish, jaanu laut ta nahi samay
Par ulta behta waqt agar, toh baitha hota sang tere main
Ulte behte aansun mere, gaalon se aankhon chale
Dhundlata ye nazariya, dikhta saaf mujhe phir har vishay
Galey mein band ye gaanth khulti, aati saans mei saans mere
Aur dil ki tooti dhadkan meri, bajti bina glitch kare
Hatata phone mai kaan se
Uthaata call, phir deta rakh
Woh bajta rehta besabar
Main khush tha jab tha bekhabar
Na sunta shabd, rahi na ab woh
Ultey seedhe, phir bhi sach
Aur laut jaata bistar mein
Jisme leta tha main pasar ke
Aata din purana, hoti baat tujhse befikar
Tu baithi doorr desh mein, aur kehti, “Phir milenge jald”
Phir sunati kisse, gap-gapati, aur batati ab ki
Mil rahe auditions, usko banna tha sitara bas
Banna tha sitara bas
Mil rahe auditions, usko banna tha sitara bas
Banna tha sitara bas
Mil rahe auditions, usko banna tha sitara bas
Phir nahin aate, vo phir nahin aate

[Verse 2]
Tim-timaate raat mein jo taare, unme jaa basi
Main aaya bhi na milne sabse, mujhme na shamta bachi thi
Kayarta thi meri, maangun maafi jo tu ho dukhi
Aur apne jigri doston se, de na paaya haaziri
Woh ab bhi hain khafaa se mujhse, kehte par woh sach nahi
Ye dariyadili dosti, hai khush naseebi neeyati
Par badnaseebi itni, keemti-si dost jo chal basi
Main khojun tujhko apne mein jab mann mein milta shaq kabhi
Ab bhai pooche mujhse, seenay leke ek anxiety
Kya ayega tu mere darr, agar main ho lun shav abhi
Main hausla dilata usko vaadon ke bazaaron se
Hum reh gaye hai banke ye sawaal tere yun jaane se
Kya paas hai woh din jab hogi charcha teri aakhri
Kya bhoolenge hum kissey tere, kisse karen aafreen?
Kya bhoolenge awaaz teri, dard mei karke yaad nahi
Toh ladd-jhagad ke panno pe utaari teri shayari
Ladd-jhagad ke panno pe utaari teri shayari
Ladd-jhagad ke panno pe utaari teri shayari