ស្ថានសួគ៌ស្ថានស្នេហ៍

សុរិយាពន្លឺថ្លាប់ភ្លឺផែនដី ហាក់ដូច ជារូបបងរស្មី
មានចិត្តភក្តីមកលើរូបអូន នឹកស្រណោះ កាលដែលប្រុសកៀកកើយខ្លួន
ឬមួយក៏ចិត្តប្រុសស្ងួន បំភ្លេចស្នេហ៍អូន ប្រុសលែងនឹកនា

មិនមែនទេ ប្រុសមិនដែលបែកស្នេហ៍ពីស្រី
នៅស្រណោះមិនអស់អាល័យ នៅស្មោះភក្តីតែស្រីរដ្ឋា
គឺមិនពិតដូចវរមិត្រអូនវាចា បងពិតជាស្មោះចិន្តា មិនភ្លេចស្នេហាៗយើងទេ

បើពិតដូចពាក្យដែលបងវាចា ចិត្តអូនកួចស្នេហារឹតតែទ្វេ

បងពិតជាស្មោះមិននោះនៃទេ ក្នុងរឿងស្នេហ៍
កែប្រែចោលមិនបានឡើយណាអូនណា

សូមឲ្យស្នេហ៍ យើងទាំងពីរឋិតថេរតទៅ
បើវាសនាចារហើយបើកផ្លូវ សូមលោកតម្រូវជួយឲ្យដល់ត្រើយ
អូននិងបងឆ្លងស្ពានសុខនរាបអើយ ស្នេហ៍យើងឆ្លងផុតដល់ ត្រើយ
នេះហើយឋានសួគ៌សុភមង្គល