Und's Fruahjahr hot ogfanga, i gspür ein Verlanga
Bin i naus in d'Woit zum Vögl zammafanga
's Diandl des hot glacht, hot Spassetln gmacht:
"Kimmst aufs Kammerfensterl bei da Nacht?"
Bin i mit meim Verlanga zum Herrn Pfarrer ganga
"Derf i, derf i, derf i 's Diandl liabn?"
"Na na", sogt er, "zerst werd ma traut"
Und hot sei Köchin ganz verliabt ogschaut
Bin i mit meim Verlanga zum Herrn Bischof ganga
"Derf i, derf i, derf i 's Diandl liabn?"
"Na na", sogt er, "des waar a Schand"
Und schaut auf seinen Lieblingsministrant
Bin i mit meim Verlanga zum Pabst soiber ganga
"Derf i, derf i, derf i, derf i...'s Diandl liabn?"
"Opus dei", sogt er drunt in Rom
"Satan diabolus, Ritex Kondom."
Bin i mit meim Verlanga zu meim Herrgott ganga
"Derf i, derf i, derf i 's Diandl liabn?"
"Ja freilich", sogt er und hot glacht
"zwengs wos hob i de Buam und Diandl gmacht?
Laßts de do drunt no betn und heilig redn
Aus dera Kirch bin i scho lang austretn!"