Lost Boy & Suicide Girl

[Verse 1]
Unger ihrere Hut gsesch Adere u Venä
Und usem nüt macht si ä szenä
Über irem Rüggä speit ä Drachä, ä Dräche ohni Ouge
Eines Tages wird si Rach näh ar Wäut und am Gloube
Aus Bebe isch är usem Chinderwagä gheit
Sibä Tag blibä ligä, ä Fee hett ne wägtreit
Sithär läbt är dört und doch unger dä Lüt
Ä Seelä ir Vergangäheit und ä Körper im hüt

[Chorus]
Einä vo de Lost Boys und es Suicide Girl
Das was du liebsch, das was du liebsch
Isch das wo di, isch das wo di zerstört
Einä vo de Lost Boys und es Suicide Girl
Das was du liebsch, das was du liebsch
Isch das wo di, isch das wo di zerstört

[Verse 2]
Uf dere Brügg hei si sech Küsst
Uf derä Brügg loufsch nümme zrügg
Fescht het är si ghäbt, wüu nie öppis häbt
D'liebi muess weh tuä, im Härz und im Bett
Si hei sech müeh gäh, si heis würklech wöuä
Nur einisch isch är nid da gsi wo är hätti söuä
Ds Glück chasch nid findä, z'Glück findet di
Aber wes mau würsch bruchä, de rettets di ni

[Chorus]
Einä vo de Lost Boys und es Suicide Girl
Das was du liebsch, das was du liebsch
Isch das wo di, isch das wo di zerstört
Einä vo de Lost Boys und es Suicide Girl
Das was du liebsch, das was du liebsch
Isch das wo di, isch das wo di zerstört

[Bridge]
Usserhaub vom Nimmerland gits äuä keni Wunder
I dr Stouwehr unger, da hanise de gfundä:
Ä blassi Prinzässin im Arm vomene Toucher
Ha gseh ihre Drachä, ät hett ize Ouge

[Chorus]
Einä vo de Lost Boys und es Suicide Girl
Das was du liebsch, das was du liebsch
Isch das wo di, isch das wo di zerstört
Einä vo de Lost Boys und es Suicide Girl
Das was du liebsch, das was du liebsch
Isch das wo di, isch das wo di zerstört