’E spingule frangese

'Nu juorno mme ne jette da la casa
Jenno vennenno spingole frangese
'Nu juorno mme ne jette da la casa
Jenno vennenno spingole frangese

Me chiamma 'na figliola: "Trase, trase!
Quanta spingole daje pe' 'nu turnese?"
Me chiamma 'na figliola: "Trase, trase!
Quanta spingole daje pe' 'nu turnese?"

E io, che songo 'nu poco veziuso
Subbeto mme 'mmuccaje dint'a 'sta casa
"Ah, chi vò belli spingole frangese?
Ah, chi vò spingole, chi vò?"

Dich'io: "Si tu me daje tre o quatto vase
Te dongo tutt' 'e spingole frangese"
Dich'io: "Si tu me daje tre o quatto vase
Te dongo tutt' 'e spingole frangese"

Pizzeche e vase nun fanno purtose
E può ghienchere 'e spingole 'o paese
Pizzeche e vase nun fanno purtose
E può ghienchere 'e spingole 'o paese

Sentite a mme ca, pure 'mParaviso
'E vase vanno a cinche 'nu turnese!
"Ah, chi vò belli spingole frangese?
Ah, chi vò spingole, chi vò?"

Dicette: "Bellu mio, chist'è 'o paese
Ca, si te prore 'o naso, muore acciso!"
Dicette: "Bellu mio, chist'è 'o paese
Ca, si te prore 'o naso, muore acciso!"

E i' rispunnette: "Agge pacienza, scusa!
'A tengo 'a 'nnammurata e sta ô paese"
E i' rispunnette: "Agge pacienza, scusa!
'A tengo 'a 'nnammurata e sta ô paese"

E tene 'a faccia comm' ê ffronne 'e rosa
E tene 'a vocca comm'a 'na cerasa
"Ah, chi vò belli spingole frangese?
Ah, chi vò spingole, chi vò?"