Olovlarni olov demasdan
Otashlarni mushtlagan akam
Mening uchun hechdan qo'rqmasdan
O'tni qo'lda ushlagan akam
Ilm olsin, odam bo'lsin deb
Umrin ishga sarflagan akam
Ukam yo'lin ravon bo'lsin deb
Yo'limdan tikan yulgan akam
Qadri baland, mehribon akam
Ishonganim, qalqonim akam
Himoyachim, o'git berguvchi
Akalikda otamdek akam
Har deganda kamim to'ldirib
Mening uchun yugurgan akam
O'zi sovuq yerda o'tirib
Soyamga joy to'shagan akam
Allohimning nazari tushgan
Akalarning naqshisiz, akam
Menga bag'rin ochib ko'rishgan
Mingta do'stdan yaxshisiz, akam
Ilm olsin, odam bo'lsin deb
Umrin ishga sarflagan akam
Ukam yo'lin ravon bo'lsin deb
Yo'limdan tikan yulgan akam
Qadri baland, mehribon akam
Ishonganim, qalqonim akam
Himoyachim, o'git berguvchi
Akalikda otamdek akam