نجاة عتابو (خلاقت ف 9 ماي 1960 ف لخميسات) موسيقية و مغنية و كاتبة وملحنة و من أقوى الأصوات مغريبية ديال شّعبي لمغريبي، كاتغني ب دّاريجا و شّلحة د زايان و لفرانساوية و كاتعتابر من أهم لمغنيات ف تاريخ لموسيقا لمغريبية. نجاة بدات لكاريير ديالها ف 1983 و غنات بزاف د لأغاني لّي نجحو بزاف بحال “جوني مار"، "شوفي غيرو” و “كدبة باينة” و لّي ولاو مخلدين ل درجة بلي بزاف د لمغنيين عاودوهوم من بعد منها، و عندها مجموعة ديال الألقاب منها لبؤة الأطلس و الديڤا و ملكة الأغنية الشعبية و الأسطورة.