Mohammed El Malki tzad l’23 Juin 1982 f’Hay Mohammadi (Casablanca). Kolchi lyoum kay 3raf had l’fanan b’smiyt “Masta flow”, o 9lil li 3aref b’li Masta bda fel Hip Hop kay dir l’Break-Dance . Micheal Jackson howa li 3tah l’motivation bach dkhol l’chte7, walakin wa7d ti7a 3la ketfo ma ghadach tkhelih ikamal f l’Break-dance .

Bda Rap f’1997 b’wa7d groupe kan smito « Vampire’s Killer Squad », khedmo 7ta reb7o f’2002 awal prix f’tremplin dyal “Boulevard des Jeunes musiciens » ! f’2003 ghadi idir Casa Crew, groupe li kano fih 4 dyal Mc’s (Masta Flow, Chaht Man, Caprice o J-ok), kharjo awal track dyalhom li kan smito Men zan9a l’zan9a o l9a naja7 kbir 3and l’public. Hadchi khelahom i diro awal Mini Album li kan smito Khatwa f’2005.

F’2007 Casa Crew reb7o chohra welaw matlobin, f’ga3 les festivals li kay charko fihoum “Kayna Fawda” J. F’dak l3am ghay khraj l’album Basma o m3ah 3 d’clipat. Masta Flow ghadi icharek f’bezaf dyal mihrajanat, fel Maghreb o fel kharij. F’2011 ghadi ibda solo, fel festival “Pineo Sur” ghadi it3raf m3a jouj fanana wa7d men Sénégal o wa7d men Spanya, ghadi idir m3ahom concerate wa3rin.

F 3am 2012 les collaborations w les featurings li dar kamlin kano fl mostawa l matlob, w hadchi 5lah yfakar ysawb album kamal howa w Caprice, la7 Masta track solo smah 7ttite Lmdad li l9a i3jab No9ade welli bih ghadi ne3arfo bli lfanan dyalna 5dam howa o 3chiro Mister Caprice f wa7ad l’album : Smo 3li Tafahom o wa7ad taykamal la5or 9dro bach y5arjo clip smito” 7di menou”. O kima kan3arfo l’Masta belmocharakate l’ktira dyalo f bzaf d’l mihrajanat da5il l blad o bra l blad o mansawch fawzo bja2izat a7ssan rappeur maghribi f’2013 f’ “Morrocan Music Awards”.

Finalement album ma ktabch lih yekhroj, w b9a Masta kaykhdem trackat solo b7al titre Number One li kan ich'har d wa7d shampoing, men be3d dar version tanya l had track m3a Lotfi Double Canon, w men be3dha b 2 ans te9riban ghadi yban l'Masta f album Talet dyal Bigg kif l3ada f featuring m3a Nessyou track li kan smiyto MVP’s.
Men be3dha f 2017 ghadi ylou7 track Chbaghi li dar boum wakha kan ghab 6 ans 3la akhir track solo la7o.