Kastriot Rexha (i njohur me emrin e artit Majk ose me përpara si “Dr. Mic”) është një këngëtar shqiptar nga Kosova, lindur në qytetin e Prishtinës në 27 Nentor 1990. Majk vlerësohet jo vetëm për aftësitë e tij për rap, por edhe për zërin e vecantë, sic është vënë re në fillimet e karrierës me këngët e zhanrit reggae dhe pop.

Në fillimet e karrierës ka qenë pjesë e grupit “TDS” së bashku me 3 anëtarë të tjerë, por eventualisht secili e la grupin dhe në fund mbesin vetëm Majk dhe Onat. Pas lancimit të disa këngëve, në vitin 2013 grupi duo shpërbëhet, dhe Majk së bashku me Onat i bashkohen label-it “BABASTARS”.