مهدي مراح الملقب ب Lord Mehdi من وجدة تزاد نهار 18 أبريل عام 1994. مهدي فالصغر ديالو كان كايلعب البيانو الشيء لي خلاه يبغي الموسيقى و كان كايسمع لل Jazz و Blues بزاف و فاش كبر تاجه لل producing قبل مايبدا الراب بدعم من الأب ديالو لي حتى هو من عشاق الموسيقى, مهدي ختار الراب حيت هو اللون الموسيقي لي يقدر يعبر فيه كتر و يوصل داكشي لي بغى لبنادم.
أولا ندويو على A.K.A اللورد مهدي بحيث شحال هادي فبريطانيا كل ولاية كانت عندها مسؤول أو والي ديالها و الملك كان كايلقب هاد الوالي ب Lord و حاليا فلندن كاين مجلس اللوردات و لي كايتكون من 760 واحد بحيث كايصادقوا على قرارات الدولة و عندهوم الحق يرفضوها و عندهم الحق حتى يوضعوا قوانين جداد هدا هو السبب باش مهدي لقب راسو باللورد.
ف 2011 مهدي غايلوح أول طراك ليه لي كان عبارة عن روميكس د Paradis ديال Booba و قبل ف 2010 مهدي غايدير أول گروب ليه لي سميتو East Gang من بعد هاد الگروب غايحبس و لكن مهدي ماحبسش بحيث خرج طراكات صولو ف 2013 فحال “ضلام النهار” و “ثقافة خاصة” و “ساعة تالية” و “Boss” بالإضافة لواحد Mixtape حطها سميتها “Ga3 les thèmes” و لي مسحها من بعد, من وراها غايدخل مع گروب سميتو 7adada Family و غايدوز معاهم مدة قصيرة و غايخرج منو و غايكمل الكاريير ديالو صولو. ف 2014 قرر مهدي أنه يدير ألبوم و تم التسجيل ديالو ف DBF studios و لكن من بعد طراو مشاكل ماخلاوش البروجي يتحط الشيء لي خلا مهدي يحبس واحد المدة من الراب مي يرجع فيما بعد. الأخ د مهدي لي صغر منو أنس حتى هو كايرابي مي بل' Anglais و لي عندو تلاتة د الطراكات فيت مع واحد عشيرو, و كان مهدي كايتمزك معاه فالصغر حيت أنس كان متأثر بزااف بالموسيقى د برا و كان فاش كايتحط شي طراك كايمشي عند خوه يسمعوليه.
ﻣﻬﺪﻱ ﺗﻌﺮﻑ ﻓﺪﻳﻚ ﻟﻮﻗﺖ بستايلات ﻣﺨﺘﻠﻔﻴﻦ ﻋﻠﻰ ﺑﺎﻗﻲ ﺭﻭﺍﺑﺎ ﺣﻴﺖ ﻋﻨﺪﻭ ﻓﻠﻮﺍﺕ ﻣﻘﻮﺩﻳن بزاف بالإضافة للصوت ديالو لي كايتميز بيه و لي كايساعدو بزاف زيد عليها أنه Producer و حاليا مهتم بالهندسة الصوتية يعني حياتو كاملة دايرة على الموسيقى ﻭ ﺧﺪﻡ ﻣﻊ ﺭﻭﺍﺑﺎ ﺑﺰﺍﻑ ﻟﻲ ﻣﻦ ﺑﻴﻨﻬﻢ ﻭﻟﺪ مدينتو دراگانوڤ, نيسيو, مونص و نيغافون.
مهدي فالآونة الأخيرة وجد واحد Ep لي سميتها Lordness لي كملها مي قرر يموديفييها باش ل Concept ديالها يكون مناسب للسمية لي ختار ليها.
ملاحظة أخيرة و هي أن اللورد مهدي دابا داخل فواحد Gang سميتها Apollo Club لي كاين فيها دراري خرين فحال Plumière, XKey, Wolf, Naiir و بلا مانساو اللورد بطبيعة الحال.