غسان فلاح و لي معروف ب Fell’g تزاد ف الدارالبيضاء
غسان ولي ديسكوغرافي ديالو غنية ب طراكات بدا الراب فاش كان كيقرى فالكوليج و كان عندو غير ضحك حيتاش كان هو كيكتب و صاحبو كيدير beatbox و بقاو هكاك مع دراري صحابهم كيرابيو و بقاو كيقنعوه باش يمشي يسجل و من 2005 و غسان غادي يبدا يخذم ف دارهم و كيسجل غير ب المايك ديال Casque و كيلوج ف Skyblog و ف 2009 غسان غادي يدير Featuring مع Cousin ديالو و بنادم عجبو البلان و من تماك غسان بدا كيسجل و كيلوح طراكات ، غسان الإنطلاقة ديالو الحقيقية باش عرفو الجمهور كانت ف مكينش نعاس Featuring مع توام و موراها خرج طراك اخر ب سمية ديال Mwa و حتى هو كان مع توام موراها ب ضبط Fellg غادي يبدا يتعرف ب طراك ديال Bill Gates لي ضرب اكتر من 200K و موراها غادي يدير Featuring مع Y.grillz ب سمية ديال Glory و طراك اخر ب سمية ديال Game و طراك لي زاد بينو No way هنا Fellg مغيبقاش يلوح ف Channel ديال Moroccans with Attitude و غادي يحل Channel ديالو لي تحط فيها طراك ب سمية ديال Brave heart و طراك لي كان ناضي ديال بصح و موراها Fellg غادي يدير واحد من احسن طراكات لي دازو فالمغرب لي سميتو High life و كان Colab مع Qaayel و مور هاد طراك غادي يدير طراك مع صاحبو لي عارفو كلشي 8ird ب سمية ديال Fiction طراك لي الى سمعتيه غتحس ب راسك كتمزك ل مراكنة ب دارجة ، من مور هاد طراك Fellg غادي يبان ف Album ديال Naar لي كانت سميتو Safar و غادي يدير Featuring مع Kareem Kalokoh لي هو Rapper من اليونان و طراك كان ب سمية ديال Mula ، غسان مبانش من الخرجة ديال Album ف شي طراك ولكن كان ضيف ف Grunt وبين ما عندو ف البلانات لي تحطو تما.
غسان هو واحد من دراري لي يقدرو يعطيو بزاف ب راب و من دراري لي Cultivé و عارفين اش كيديرو